Domënia, 14. aurì 2019
Buna prestaziun dla VB, mo i punc va düc ai aversârs tröp plú fortuná
La partida vegn sogada sot n cîl corí y na picia plöia. La scuadra recupereia Vittur, che sügha tl zenter dla defensciun. I önesc de Curti met man bun la partida, fajon jüch y cherian deplú de der bunes ocajiuns da gol.
Al 12' menüt dô na bela aziun da na pert jö, passa Felder t' aria a Del Negro che tira da püc metri te porta. Le palé vegn rebatú dal pé alt. Do da 13' de jüch da na passada de Mayr t' aria tira Matti Stampfer sú, te porta abinan la stangia à portier bele batú. N menüt dedô röia le capitan ladin sú dan porta, mo le arbiter l' archirta por na posiziun fora dl jüch, döta dá valuté ??? Do na chert d' ora tira le diesc Stampfer indô te porta, le un puster se salva devia te ciantun cun le pé. Sön la trata da ciantun devieia te porta Vittur de cé, le un Prieth para alt. Al 26' menüt tira le ot Stoll t' aria fora na trata che passa dlungia le pé de porta fora. Do da 31' de jüch él na trata de puniziun da püch suraciamp cuntra l' aria dla VB. I defensurs é chic y le ascvelto Oliver Burger é tun iade bel sú dan porta de Ferdigg. Al na nia dificulté da devié ite por le 0 a 1. Signan só chinescejim gol te chesc campionat, al é adöm a Alan Bosa dl Alta Val de Puster le miú marcadú dl grup "C". La formaziun dla VB chir atira da mete indô le resultat sön le pêr. Al 69^ menüt ti scüra l' arbiter na posiziun de fora dl jüch a Matti Stampfer che saltâ sú cuntra porta, ara ne foss nia stada. Do da 77^ de jüch robat le un Ferdigg na trata dl dejeset, rové sú t' aria dla VB. N menüt dedô sön passada dl capitan röia püch dan porta ala trata le önesc Del Negro, le portier para dan pé de porta.
Al 83ejim sön na trata da ciantun de Olex Stampfer röia Vittur de ce ala deviaziun, le curan arsesc sön la rei de porta dô la stangia. Cun tröpa fortüna, combaton sön vigni palé se porta le Taisten la deventa a ciasa. La VB à fat na bela partida y se es merité almanco le pêr, mo la fortüna ne nia por le moment da süa pert. Insciö restun ultimi te tlassament adöm ala La Val.
ACD Val Badia - ASD Taisten: 0 - 1
Formaziun dla Val Badia: 1.Rene Ferdigg, 2.Dylan Liotto, 3.Matteo Ploner, 4.Gianluca Lorenzini, 5.Samuel Vittur, 6.Florian Barbolini, 7.Alex Felder (dal 69^ Max Schrott), 8.Alex Stampfer. 9.Marc Mayr, 10.Matthias Stampfer (capitan), 11.Roberto Del Negro (dal 80^ Luca Bernardi).
Alenadú: Cristian Curti.
Proscima partida: en Sabeda Santa, ai 20 d' aurí 2019 da les 16.00 sön la plaza da San Iaco ite n Ahrntal cuntra le Steinhaus.