AFC Sexten - ACD Val Badia |
Scritto da Marco | |
Domënia, 04. novëmber 2018 Can che döt va mal Cuntra le Sest savo bel la Val Badia danfora che al n e nia na partida saurida. I tröc infortuná á metü en dificolté l'alenadú che á messü se inventé la formaziun iniziala da zero. Deperpo che l'Sest é te n mumënt de gran forma. Suradöt a mezciamp á la Val Badia metü man cun na scuadra cambiada dal döt in confront ales partides da denant. Bel ti pröms menüc vëgn drucada jö la Val Badia dala grinta di aversars. Al 4’menüt fej René na gran parada cul pé sön l‘atacant aversar che e ruvé sú danporta do en foradejüch nia sciuré dal arbiter. Indo en forajüch nia sciuré a porté ala pröma ghela de Barbolini por avëi cardé l’forajüch. Al 22‘ menüt röva le Sest al vantaje cun na gran trata dal limit dl area che René a ma podü ciaré jon te porta. Al 26‘ ciafa Barbolini la secunda ghela por en fal a mezciamp y vëgn desgort. Trames les gheles é stades dades dër saurí y mët en gran dificolté la Val Badia. Al 36‘ resta a Val Badia en per de menüc 9 te ciamp do che Andrea Conrater mëss se lascé mediché do na pala ciafada tla müsa. Avisa te chi menüc röva le Sest sön le 2 a 0, endo cun en atacant en forajüch che mëss ma mët la cogora te porta bel dassú. Cun ince la soraodüda dl'arbiter suga la Val Badia en chël momënt prësc 9 cuntra 12. AFC Sexten - ACD Val Badia: 5 - 0 Formaziun ACD Val Badia: 1. René Ferdigg, 2. Matteo Ploner, 3. Mattia Kastlunger, 4. Dylan Liotto, 5. Andrea Conrater, 6. Florian Barbolini, 7. Luca Bernardi, 8. Cristian Granruaz, 9. Isaac Frenademetz, 10. Matthias Stampfer, 11. Alexander Ploner. Alenadù: Cristian Curti. Proscima partida: Proscima domënia vëgn soghé l‘ultima partida dl rode de andata a La Ila dales 14:30 cuntra le San Laurënz. |
|
Ultimo aggiornamento ( martedì 20 agosto 2019 ) |