Domënia, 15. aurì 2018
Niancha cuntra le Gais ne era jöda da fá punc. An resta ultimi te tlassament.
Da fá punc propi ne vara, la pordöda cuntra le Gais é la cuinta sön cinch partides da d' aiscöda. Dô la buna partida tl derby cuntra le Mareo, se esun aspeté en vara inant. Ci che cunta é ma plú i punc. Mo bele dan partida nun suzedl öna. Cun le pröm portier Ferdigg scualifiché pó soghè Frenademetz. Che tl se scaldé ite dan partida se taia en deit dla man ciampa dassen y mess gní condüt te ospedal por gní cují. Te porta vá Caso da püch pró la scuadra y cun pücía espereienza. Le cîl é curí y le cíamp é morjel.
Al 7^ menüt da na puniziun rebatöda ti passa Kastlunger le curan al diesc ladin che tira te porta. Le un Mair blocheia dan pé bass. Do da na chert d' ora sön na passada de Felder cun deviaziun röia le palê a "Matti" che apena t' aria vegn fat tomé. Bel atira scüra le arbiter y mostra sön le önescmetri. Le capitan Stampfer le tira sech sön la man ciampa dl verdaporta che é ince gnú fora püch denant à protesté. O à orei desturbé le diesc dla VB. Al 21ejim tira Felder na puniziun t' aria, Olex Stampfer la roda de pröma cuntra porta. La trata röia dlungia pé fora. Al 28^ menüt tira le önesc Agstner en diagonal che röia fora dlungia le secundo pé de porta. Do da 37^ de jüch para dan pé bass le un dla VB na trata indo dl prigorus önesc. Tl mete man dl secundo temp aumenta le druch di pustri.
Al 51^ menüt para alt Caso na trata dl atacant Agstner ruvé sú ala trata. Do da 53^ de jüch toma le 1 a 1. Le nü Maurberger röia da sú te aria te na posiziun en pú de dübe y fej na trata alta sura le portieri te che röia dan pé te porta. Do da 62^ menüc toma spó le 1 a 2 por le Gais. Sön na trata de puniziun robat Caso le palê cuntra le sis Marsoner che da püc metri robat te porta. Cater menüc dedo röia Fontanive te na buna posizun dan porta ala trata, mo chesta é debla y vegn saurí parada dal un di pustri. Al 70^ de jüch él en contrast t' aria danter Barbolini y le önesc Agstner en pü dübe, mo i goeseri ne protesta nia tan. Do da 78^ menüc tira "Matti" na bela puniziun püch dan aria, por en fal fat sön vel. Le portier foss batú mo püch dan la ligna de porta robat en defensur demez de cé. Al 93ejim pert la VB en palê te süa mesaciamp, le sedesc Hellweger tira da en gran toch fora d' aria cuntra porta. Caso ne ti é nia ala trata che röia te porta por le 1 a 3 por le Gais. La proscima partida cuntra le Dietenheim, penultim cun dui punc deplú cho la VB, sará da davagné, senza sará la retrocesciun cuaji ne realté.
ACD Val Badia - FC Gais: 1 - 3
Formaziun dla Val Badia: 1.Alfonso Caso, 2.Florian Barbolini, 3.Mattia Kastlunger, 4.Cristian Granruaz, 5.Samuel Vittur, 6.Gianluca Lorenzini, 7.Alex Felder, 8.Alex Stampfer (dal 64^ Manuel Clara), 9.Davide Fontanive (dal 80^ Alexander Ploner), 10.Matthias Stampfer (capitan), 11.Nicola Zuliani.
Alenadù: Cristian Curti.
Gol por le Val Badia: 15^ Matthias Stampfer sön önescmetri.
Proscima partida: en domenia, ai 22 d' aurí 2018 dales 16:00 sön la plaza da Dietenheim cuntra le ASV Dietenheim/Aufhofen.