Domënia, 25. märz 2018

Nia da fa cuntra i pröms

Bele tl andata á la Val Badia pordü 3 a 0 cuntra la sterscia scuadra de Rasun y ne á albü degöna poscibilité da fa almanco en gol. Ince sce tl jüch era jüda en pü miú en chësc iade, se ciafa la Val Badia 5 goi y ne fej nia ite les ocajiuns albüdes.

Pur la Val Badia mët man la partida atira mal. Sön en lancio vëgn fora l’portier Ferdigg a cöi sö la cogora tratan che n defensur la defën. N atacant aversar pro da salté surafora y toma dan area. Por l’arbiter él puniziun dal limit che Pichler trasformëia tl 0 a 1 cun na trata sëcia dlungia bariera ite. I aversars cun le vantaje tan saurí pro da gestí le vantaje, mo i sogadus de ciasa alza atira le ritm y röva a deplü ocajiuns pur le per. Al 14’ cun na trata de Matthias che vëgn rebatöda y la secunda trata debla de Nicola da buna posiziun vëgn blocada dal portier. Al 24’ röva Felder ala trata te area, mo massa zentrala söl portier. Do da 30 min ola che la Val Badia pe che pó sla sughé, röva impó i gesć al 0 a 2. Söla trata sëcia dal limite dl area röva Ferdigg ciamó ala deviaziun, che ne basta nia por fa jí la cogora dlungia porta ia. Cun le dopl vantaje se fej l’Rasun plü saurí da soghé, mo tl pröm tëmp ne sozedl plü nia a pert de n per de tiri dai 20-30 metri da pert di atacanc pustri che va düc dlungia porta ia.
Tl secundo tëmp è bun l’Rasun a defëne sënza rischié y á jí en contrapé apëna che La Val Badia se alza demassa. Insciö röva ince spo l’ terzo y cuarto gol pur i gesc che sfrutëia bun les ocajiuns albüdes. Le reultat tan tler dá la poscibilité al alenadú dla scuadra ladina da adoré düc i cambi, y lascé lerch ai sogadus jogn dla Val Badia, sciöche Bernardi Luca, Granruaz Christian y Kastlunger Mattia. Al 75’ él Andrea Conrater che á la poscibilité da fa l’gol dla bandira, mo süa trata da dër buna posiziun röva dlungia porta ia. Cun la Val Badia döta dant röva l’cuinto gol dl Rasun al 88’ sön contrapé ola che Ferdigg ne pó fa nia cuntra 2 atacanc aversars. Al ultimo menüt röva ciamó en iade Andrea Conrater ala deviaziun cuntra la porta aversaria sön en cross de Matthias, mo la cogora va dlungia porta ia. Insciö se röva la partida söl 0 a 5. La proscima partida è en sabeda dales 16:00 indo te ciasa a San Martin cuntra le Reischach.

ACD Val Badia - SC Rasen/Antholz:  0 - 5

Formaziun: 1. Ferdigg René, 2. Ploner Matteo, 3. Barbolini Florian (57‘ Kastlunger Mattia), 4. Crazzolara Miguel (67‘ Bernardi Luca), 5. Sibillon Giacomo, 6. Lorenzini Gianluca, 7. Ploner Alexander, 8. Felder Alex (45‘ Granruaz Christian), 9. Fontanive Davide (75‘ Conrater Andrea), 10 Stampfer Matthias (cap.), 11. Zuliani Nicola (69‘ Clara Manuel).

Alenadú: Curti Cristian