ACD Val Badia - USD Rina |
Scritto da Renato | |
Domënia, 09. otober 2016 La Val Badia davagna inće le derby cuntra Rina y fej en gran vare tla pert alta dl tlassamënt. Por la scuadra da Rina ne él nia en bun momënt, ultima. Dan da tröp publich da döta la valada y inće da Fodom él gnü soghè sön la bela plaza "Pradel" le derby danter la VB y le Rina. La scuadra de Folchi vëgn da en bun momënt cun dös partides davagnades y sa trat sö tl tlassamënt. Le Rina chir punć y inće la pröma devënta te chësc campionat. I "derby" ne san pö mai sciöche ai se röia. La partida à odü na buna VB tl pröm tëmp che sa metü bele le resultat al sigü. Tl secundo tëmp à chierí le Rina da rové à derzé le resultat, mo la sterscia defensciun dla VB ne nia stada sbujada. La partida mët man al miú por la VB che sëgna bele al 6^ menüt. Matti Stampfer tira na trata da ćiantun rodunt te porta. Le portier Huber ne se aspetâ nia na te trata y prô de pe da devié demez. Le curan ti passa sön süa man ćiampa dlungia pe ite por le vantaje dla VB. Do da 12^ menüć él Lorenzini che deviëia de ce bel te porta. Le un dl Rina fej na bela parada devian püch dan le pé te ćiantun. Al 18ejim de jüch röia t' aria da na pert ite Alex Stampfer ala trata te porta, M.Huber robat la prigorosa trata. Sön la rebatöda röia H.Conrater sön le palé y sú ala trata da daimpró te porta. Cun en gran intervënt robat le verdaporta dl Rina inće chësta trata. Se fajon ensciö pordenan la pröma dejatenziun sön le gol. ACD Val Badia - USD Rina: 2 - 0 Formaziun dl Rina: 1.Manuel Huber, 2.Manfred Promberger, 3.Michael Rungger (dal 46^ Ivan Tschaffert), 4.Thomas Huber, 5.Hanspeter Rungger (dal 84^ Marco Comploi), 6.Alfons Facchini, 7.Daniel Frenes (dal 49^ Dennis Gasser), 8.Manuel Mellauner, 9.Andreas Ferdigg (capitan), 10:Matthias Winkler, 11.Klaus Promberger. Formaziun dla Val Badia: 1.Rene Ferdigg, 2.Heinrich Conrater, 3.Florian Barbolini (dal 83^ Alex Felder), 4.Samuel Vittur, 5.Andrea Conrater, 6.Paolo Adami, 7.Alex Stampfer, 8.Emanuel Dorigo, 9.Gabriel Prada (dal 67^ Miguel Crazzolara), 10.Matthias Stampfer (capitan) (dal 76^ Max Schrott), 11.Gianluca Lorenzini. Proscimes partides: Le Rina soga en domënia ai 16 d' otober dales 15.30 sön la plaza da Rina cuntra le Vandoies. La Val Badia soga bele la sabeda ai 15 d' otober dales 18.00 sön la plaza da Sest cuntra Le Sest. |
|
Ultimo aggiornamento ( venerdì 25 agosto 2017 ) |