ACD Val Badia - SVD Dietenheim/Aufhofen |
Scritto da Renato | |
Domënia, 22. mà 2016 Ciamò en bun punt por abelì le tlassamёnt La Val Badia ne sübesc degügn goi y mantёgn inant la miù defensciun di trёi rodi de 3a. Categoria de döt Südtirol Por le Dietenheim é chёsta na partida che ai messa davagnè por podёi speré de rové secundi y jí ai "spareggi" por la 2a. Categoria. N travert che ne ti é por le möment nia garatè. Cun le resultat de parité po i pustri ester plú cho cuntёnć, le miú te ćiamp é stè le portier M. Messner cun tröpes de beles parades che á tignì le 0 a 0. La formaziun de Massa podô soghè sёnza gran druch dô che la promoziun é bele plü chö sigöda. Por les tröpes ocajiuns y inće por le jüch miú dl Dietenheim foss la devёnta numer 18 stada bёgn meritada. Ma ara vá bun insciö y en bel complimёnt por le impёgn metü. En pü püch ê le publich por l' ultima te ćiasa dla VB te 3a. categoria. Do da diesc secunć tira Matti Stampfer dalunc te porta, le un puster é atёnt i röia cun la man alta sön süa man dёrta à devié te ćiantun. Al 31^ tira le cinch Mairhofer na puniziun en toch fora dla gran aria, Massa blochёia cun sicurёza te dui tёmps la trata. N' menüt dedô passa Dorigo t' aria a mez por A. Stampfer che tira te porta, Messner para ia por tera la trata dl ladin. Al 38ejim tira "Matti" na puniziun dan aria por en fal sön le dui dla VB. La bela puniziun röia de en nia sura l' incrujada fora. Al 63^ de jüch röia Felder da na pert ite t' aria y passa ite dan porta, trami i "Stampfer" te na buna posiziun arjöma la deviaziun te porta dl Dietenheim. Do da 73^ menüć tira t' aria le önesc dla VB te porta, le un puster se destёn dan pé bass devian gran te ćiantun. Al 74ejim slalomёia Dorigo danter i defensurs pustri y tira te porta, la gran trata robat sön la stangia de porta. Sön la rebatöda sú dan porta tira le goleadù "Matti" sura porta fora. La dopla gran ocajiun sföma. ACD Val Badia - SVD Dietenheim/Aufhofen: 0 - 0 Formaziun dla Val Badia: 1.Luca Massa, 2.Heinrich Conrater (dal 68^ Florian Barbolini), 3.Andrea Conrater, 4.Alex Stampfer, 5.Julian Bernardi, 6.Paolo Adami, 7.Giovanni Giaramita (dal 57^ Gabriel Prada), 8.Alex Felder (dal 88^ Hannes Erlacher), 9.Emanuel Dorigo, 10.Armin Erlacher (capitan) (dal 73^ Altin Alla), 11.Matthias Stampfer (dal 81^ Max Schrott). Alenadú: Luca Massa. Proscima partida: en domёnia ai 29 de mà dales 16.00 sön la plaza da Mühlwald cuntra le Mühlwald. |
|
Ultimo aggiornamento ( venerdì 24 febbraio 2017 ) |