Domënia, 30. agost 2026

Piá ia te campionat, en sció, en sció. Le resultat lascé scampé fora dles mans.

Dô na buna preparaziun dan le campionat y na der buna prestaziun te "Copa Provinzia" 2026/27 de 2a y 3a Categoria cuntra la formaziun da Raas (2a.Categoria) jöda fora sön le 1 a 1. Pordöda spó ai önesc metri por 4 a 5 sé aspetan en mete man dl campionat en pú atramenter. Sön la bela plaza "Pradel", sot en gran cialt à metú man la partida. La partida é stada caraterisada dá en jüch por toch tles mans dla VB y à toc tlas mans di pustri. Da momenc che an comamâ le jüch, à momenc che an ti lasciâ döt al Uttenheim. Sön le bun resultat de 3 a 1, se an lascé abiné sön le 3 a 3 finâl.

Al 4' menüt röia sú le önesc Schwingshackl dan Ferdigg, chesc fêj na gran rebatöda de pügns devian fora de porta. Dô da 10' de jüch röia sú dan porta Unterweger che tira, le un puster devieie de pé fora te ciantun. Al 12ejim él na gran aziun dla VB, Unterweger röia te aria da na pert ite y passa cuntra F. Clara che tira te porta. Le curan röia cuntra le defensur J. Leimgruber che devieia te süa porta por le 1 a 0 ladin. Dô da 35' menüc toma le 1 a 1, na remetöda cun les mans porta le palé dan aria ladina. Dô val rebatöda röia chesc al önesc Schwingshackl bel sú, che cun la piza tira te porta sot la stangia ite por la parité. Dô 40' de jüch röia le secundo vantaje dla VB, na trata da ciantun de S. Clara röia dan porta. Chesta passa danter deplú sogadus y röia cuntra F. Clara che é dan le secundo pé y pó ma devié te porta le 2 a 1. Al 52ejim röia ince le 3 a 1 por la formaziun de Castlunger/Costabiei. Sintoni fêj na bela trata t' aria pustra, Valentini röia la sura y la devieia al jore alta sön le secundo pé. En gran bel gol. Degöna poscibilité de parada da pert dl bun portier dl Uttenheim. Dô da 56' menüc vegn desgort le alenadú di pustri H. Plankensteiner por gran protestes cuntra le arbiter.
Al 64' menüt toma le 3 a 2, na prigorosa trata de puniziun röia danter deplú sogadus dan porta y vegn deviada ite dal cinch Forer. Al 76ejim röia sú Valentini dan le un dl Uttenheim dô che n defensur é jú só à öt. Süa trata é der, der alta. Al 80' de jüch vegn fat tomé te aria le bun atacant Schwingshackl da pert de Tagliafierro, le arbiter scüra atira en önesmetri por le Uttenheim. Le cinch Forer le tira splazan Ferdigg cun na trata à mesa alteza che porta al 3 a 3. Gran festa por i pustri y tröpa delujiun por la VB, che sá lascé sciampé la pröma deventa cuntra n' aversâr che à combatú cína la fin. Mó begn debl tl contset de scuadra.

ACD Val Badia - ASV Uttenheim: 3 - 3

Formaziun ACD Val Badia: 1.Rene Ferdigg (capitan), 2.Alex Miribung, 3.Joel Unterweger, 4.Simon Graffonara (dal 46' Michele Tagliafierro), 5.Max Videsott, 6. Simone Dallapiazza, 7.Emanuele Sintoni, 8.Fabian Clara, 9.David Pizzinini (dal 72' Lukas Pramstaller), 10.Luca Valentini, 11.Simon Clara (dal 67' Jan Paul Promberger).

Goi por l ACD Val Badia: 12' Jan Leimgruber (autogol), 40' Fabian Clara, 52' Luca Valentini.

Alenadus: Albert Castlunger y Patrick "Cobra" Costabiei.

Proscima partida:  en domenia ai 6 de setember 2026 da les 16:00 sön la plaza dal palé da Terenten, cuntra le Terenten.