Sabda, 16. mà 2026

Der na buna prestaziun cuntra i secundi dl Mühlwald, mâ na gran destraziun à tut demez n punt che an se és merité.

La Val Badia à fat der na buna partida sön la plaza da Mühlwald cuntra i secundi te tlassament. Dan tröp publich (segra dl paîsc) tun domisdé freit é gnú soghè. I "Mühlwolderi" mess davagné por resté secundi y jí ales partides de "spareggio" por la secunda categoria. La formaziun ladina ti à tigní bun pormez por döta la partida, lascian pró der püces ocajiuns da fá gol. Má der scode de chel moment de dejatenziun che à pormetú al Mühlwald da signè.

Al 8' menüt tira te porta da dan le limit Sintoni de ciamp, le un para ia por tera. Dô da 15' de jüch robat demez cun la man püch dan le pé bass Ferdigg na trata da daimpró. Dô da 31' menüc mess chi da Mühlwald sostituí le bun sogadù da mesaciamp J. Steiner (n.8) por che al sá destrat. Al 44ejim él na puniziun de Valentini cun na trata da lunc te porta. Le un Knapp para alta. Tl mete man dl secundo temp fej chí de ciasa deplú druch cuntra le defensciun ladina por rové al gol. Al 51' menüt röia le set Volgger da püch dan porta ala trata, le un dla VB respogn cun na gran deviaziun te ciantun. Dô da 62' de jüch tira Valentini na puniziun dá dan le limit te porta, le portier para saorí ia por tera. Dô da 77' menüc él na trata lungia cuntra la gran aria dla VB. Videsott y Miribung né sé capesc nia da jí sön le curan. Á mesa ite röia le önesc Oberhollenzer bel sú che splundra te porta da püc metri por le 1 a 0. Gran ligreza y festa por döt Mühlwald. La VB prô da rové al gol dl pêr, mó i "Mühlwolderi" sé defen cun düc i mesi. Ai se ciafa ince cater chertes gheles por fâi t' ultima pert dla partida. En sció se tegni strenta la deventa nia tan meritada. La VB se ciafa i complimenc mó degugn punc. An pó ester stolz dla buna prestaziun. Má insció inant ince tla proscima partida, en chesc iade de dömenia.

SSV Mühlwald - ACD Val Badia: 1 - 0

Formaziun ACD Val Badia: 1.Rene Ferdigg (capitan), 2.Alex Miribung, 3.Thomas Verginer (dal 56' Joel Unterweger), 4.Max Videsott, 5.Matteo Ploner (dal 70' Lois Costner), 6.Simone Dallapiazza, 7.Emanuele Sintoni, 8.Fabian Clara (dal 82' David Pizzinini), 9.Lukas Pramstaller (dal 46' Marc Mayr), 10.Luca Valentinin (dal 89' Alexander Ploner), 11.Simon Clara.

Alenadus: Albert Castlunger y Patrick Costabiei.

Proscima partida:  en domenia ai 25 de má 2026 da les 15:30 sön la plaza "Pradel" da San Martin de Tor cuntra le Feldthuns "B".