Sabda, 08. novëmber 2025

Al né nia le moment che ara vá da fá punc, dô na buna prestaziun röiel na pordöda sön n önescmetri contesté.

Te n bel domisdé de soredl él gnú soghè sön la plaza da Feldthurns. Chesta é der mola y plena de bügn, al é rî da mantigní l' ecuiliber. La Val Badia à fat na buna partida che ess merité ince punc, mó le "mé da fá goi" resta inant. Les bunes ocajiuns é stades.

Al 6' menüt tira S. Clara te porta, en defensur devieiea cuntra porta y le un para ia por tera. Dô da 9' de jüch sön en dür contrast á mesaciamp resta S. Clara ia por tera. Al sá cíafè en bur colp söt le scnedl ciamp y mess lascé le jüch. Al 16' menüt por n fâl sön Mayr tira F. Clara na bela puniziun che röia de püch dlungia pé bass sön la man ciampa dl portier fora. Al 32ejim se fêj ince chí de ciasa prigorusc. Sön na trata da ciantun él an prigorosa deviaziun te porta. Ferdigg jora sön süa man ciampa y devieia da na pert fora. Dô da 35' menüc röia Sintoni sú t' aria, al lascia pié ia na trata che röia bassa dlungia le secundo pé fora nia de tröp. Al 52' menüt röia Fistill sú t' aria da na pert ite, al aspeta dan da trá te porta. En defensur röia sön la trata che vegn robatöda te ciantun. Dô da 58' de jüch sön na trata dá daimpró röia le palé sön la man derta de Videsott püch dan porta. Chesta é sön le piet dl defensur, mó le arbiter cunzed impó en önscmetri al Feldthurns. Le chinesc P. Pichler le tira cun na trata alta en pú zentrâla che Ferdigg azicha en püch. Dui menüc dedô á la VB bele na gran ocajiun por fá le pêr. Na trata t' aria de Dallapiazza atocha la pert alta dl pé de porta y röia fora. I soghadus de ciasa á na gran agresivité y ai fêj der tröc fai groi. Ai se ciafa begn sis chertes gheles da segn inant. Al 77' menüt sön na puniziun de Valentini deviea F. Clara de cé alta sura porta fora. Dô da 86' de jüch tira al jore te porta le sis dla VB, le un Klemenet respogn cun na gran parada devian te ciantun. Dô da 89' menüc para alt Ferdigg na trata de puniziun da dan aria. Bel l' ultima ocajiun pur le pêr röia al 94' menüt. Dallapiazza sú tira te porta, mo le un para sigú. Scé an né segna nia, spó él der rî da abiné punc. Té tlassament restun al dejimo post. Por l' ultima partida cuntra i secundi él ciamò l' ocajiun da fá punc y dá lascé odei na buna prestaziun.

US Feldthurns B - ACD Val Badia: 1 - 0

Formaziun ACD Val Badia: 1.Rene Ferdigg (capitan), 2.Thomas Verginer (dal 57' Davide Denicolo), 3.Alex Miribung, 4.Max Videsott, 5.Simon Graffonara, 6.Simone Dallapiazza, 7.Emanuele Sintoni, 8.Fabian Clara, 9.Simon Clara (dal 11' Tobias Fistill) (dal 73' Stefano Sintoni), 10.Luca Valentini, 11.Marc Mayr (dal 76' Lukas Pramstaller).

Alenadus: Albert Castlunger y Patrick Costabiei.

Proscima partida:  en doman sabeda ai 15 de november da les 14.30 sön la plaza da La Ila cuntra le Dietenheim/Aufhofen.