Sabda, 18. otober 2025

Dô le dopl vantaje, él gnú scuré demez la daventa ti ben sis menüc dl recuper. Olá che an sá ciafé begn dui goi.

Al é la pröma partida de chesc campionat che an sügha sön la plaza da La Ila. Te n domisdé da n bel soredl. Al é sté na partida rica de goi, sogada á toc miú da öna na scudra y á toc dal atra. Sön le "dopl" vantaje merité da la Val Badia esun miné de na bela deventa dan le publich amich. Mó ara é jöda atramenter.

Chi da Percha scé begn sot de dui goi, á cherdú tla poscibilité combaton cina da en ultima. E ai é stá premiá. La VB ince cun tröc sogadus "fresc" te ciamp ne nia stada buna da defene i dui goi de vantaje. Al 4' menüt röia Fistill sú t' aria mó ne tira nia atira te porta, é l' ocajiun sföma. Dô da 10' de jüch röia le önesc Gartner sú dan Ferdigg ala trata. Le "capitan" devieiea cun la man derta te ciantun. Trei menüc dedô sön na rebatöda cörta de Ferdigg röie le curan á n atacant puster t' aria, por fortüna süa trata vegn rebatöda. Al 20ejim tira F. Clara na puniziun te porta dá da lunc, le un puster para. Dô da 39' menüc recupereia Fistill n palé sön n defensur püch dan aria y le passa a Valentini che tira té porta. La trata bassa passa sot les iames de n defensur y ite te porta por le 1 a 0. Al 51' de jüch röia Mayr cun slöm te aria y vegn agancé da en defensur. Le arbiter scüra atira en önesc metri por i ladins. La trata surantol Valentini. Cun na bela trata alta splazeiel le portier Ausserdorfer por le 2 a 0.
Dô da 62' menüc él na trata bassa te porta da fora dl aria, le un la VB la veiga al ultimo moment. Al la devieia de pé fora te ciantun. Al 87ejim röia ince le Percha al gol, mó denant él sté n fal de n atacant grou sön Ferdigg. Gol iüstamenter anulé. Al 90ejim röia sú dan porta S. Clara che tira te porta. Le verdaporta puster fej na gran deviaziun cunzedon mâ na trata da ciantun. Le jonn arbiter cunzed sis menüc de "recuper", al é begn sté val sogadù ia por tera y val medicaziun. Segn röia três deplú la defensciun dla VB sot presciun dl Percha. Dô da 92' menüc él n bel cross sot porta dl diesc Lahner che vegn ot der bel te porta de ce sot l' incrujada dal set Zingerle por le 2 a 1. N gran bel gol, mó le atacant é tró massa sú. Al 95' de jüch dô deplú trates rebatödas dan porta röia la deviaziun dá daimpró dl 2 a 2 dl sis M. Mayr. Dô da en menüt se röia la partida cun sambegn la gran ligreza de chi dl Percha. Ince da té situaziuns pon imparé tröp. En chej iade era iöda en sció. Scé an es davagné podon ester al cuinto post te tlassament, en sció restun al otavo.

ACD Val Badia - ASV Percha: 2 - 2

Formaziun ACD Val Badia: 1.Rene Ferdigg (capitan), 2.Jeol Unterweger, 3.Thomas Verginer (dal 75' Luca Bernardi), 4.Alex Miribung, 5.Max Videsott, 6.Simone Dallapiazza (dal 64' Lukas Pramstaller), 7.Emanuele Sintoni, 8.Fabian Clara, 9.Tobias Fistill (dal 58' Simon Clara), 10.Luca Valentini, 11.Marc Mayr (dal 82' Alexander Ploner).

Alenadus: Albert Castlunger y Patrick "Cobra" Costabiei.

Goi por la Val Badia: 39' y 51' (sön önescmetri) Luca Valentini.

Proscima partida:   en doman sabeda ai 25 d' otober da les 15:30 sön la plaza da La Ila cuntra le Mühlwald.