Sabda, 10. mà 2025

Ara é jöda da davagné, té n domisdé der, der cialt

Al é gnú soghè te n domisdé der cialt sön la plaza da Falzes, che nê nia tles mius condiziuns. Cun n' erba alta y tröc büsc à albú da scalpí i sogadus. La formaziun de Graffonara tol atira tles mans le jüch e soghan fora tröpes de bunes ocajiuns. Cun deplú de beles aziuns asveltes ai por döt le pröm temp metú sot n gran druch chi da Falzes.

Les prömes trei ocajiuns é dötes sön pé de Valentini. Che al 9' menüt sön na passada de Sintoni fala na saurida deviaziun te porta bel sú. Dô da 16' de jüch tira te porta da dalunc Dallapiazza dô na bela aziun, mó le gran portier puster para alt. Al 22' menüt dô na bela aziun personâla de Sintoni él na passada bassa te aria por Valentini che devieia de pröma da püc metri da porta. Mó le curan röia de püch dlungia le pé bass fora. Dô da 30' de jüch röia finalmenter le tan merité vantaje por la Val Badia. Sön na passada de F. Clara röia le palé dan aria à Denicolo che fêj n gran bel gol. Süa trata bat sön la stangia de porta jô te porta y röia indô fora. Le gol vêl. Al 44' menüt röia ince le secundo gol ladin. Dô na bela aziun, cun na sogada de Valentini röi le palé dan aria à S. Clara che tira te porta fajon n gran bel gol. La trata röia alta sot l' incrujada ite sön la man ciampa dl portier Kosta, nia da paré. Al é ince la ligreza dl pröm gol ufiziâl por le atacant numer nú dla VB.
Tl secundo temp prô le Falzes dá rové al gol cun plú druch. Al 62' menüt fej le önesc Pramstaller na gran trata da sura mesaciamp te porta de Ferdigg. Chesta robat sön la stangia de porta. Na bela fortüna. Dô da 69' de jüch atoca t' aria le sis dl Falzes le palé cun na man t' aria, en önescmetri ne vegn nia dé. Protestes. Al 80' menüt röia le gol por chí da Falzes, n' aziun cun deplú pasades danter i atacanc pustri porta dô na rebatöda cörta de Ferdigg le cinch Amhof ala trata te porta por le 1 a 2. La scuadra ladina se defen cina ala fin bun portan à ciasa i trei punc. Ince la posiziun te tlassamnet é segn migliorada de n scalin.

ASD Pfalzen - ACD Val Badia: 1 - 2

Formaziun ACD Val Badia: 1.Rene Ferdigg, 2.Matteo Ploner, 3.Armin Plazza (dal 77' Florian Barbolini), 4.Simone Dallapiazza (dal 69' Tobias Fistill), 5.Max Videsott (capitan), 6.Alex Miribung, 7.Fabian Clara (dal 77' Alexander Ploner), 8.Davide Denicolo, 9.Simon Clara, 10.Luca Valentini, 11.Emnuele Sintoni.

Alenadú: Hanspeter "Pücia" Graffonara.

Goi por la Val Badia: 30' Davide Denicolo, 44' Simon Clara.

Proscima partida:  en domenia ai 18 de mà 2025 da les 15:30 sön la plaza "Pradel" da San Martin de Tor cuntra l' Alta Val de Puster.