Sabda, 23. merz 2024

N'gran combatimënt sot na fita nuvöda

La pröma partida de campionat da d' aiscöda é gnöda sogada sön le ciamp dl Prettau l'ultima sabeda. Bele chanche an é rová sön le post né lasciâ les condiziuns dl temp nia odei dan fora de bun. Dan le mete man al bele metú man da növei. Sciöche an à metú man da soghè nuvol dassen, ince cun vent.

La VB röia bele al 3° menüt pró deplú ocajuns da trá te porta. Begn trei iadi vegn le palê robatú demez dal portier y defensurs dl Prettau. Dô da 10' de jüch passa Denicolo ite te aria al scmarché Verginer che bat cun na trata bassa sön le secundo pé le un puster, por le 0 a1 por i ladins. Dô da 22' menüc resta le Prettau en diesc por la dejgorta dl defensur trei S. Gruber por dopla amoniziun. Al 30ejim de jüch röia le 2 a 0 por la VB. Na trata secia te porta vegn rebatöda da na pert fora dal un Astner, sön le curan sciöche pröm roia le "Capitan" Ploner che da püc metri devieie te porta öta. N pêr de menüc dedô röia na puniziun de Valentini te porta, le un robat fora le palê. Le terzo gol ne toma nia tosc dedô, le defensur numer dui Hopfgartner robat demez püch dan la ligna à portier bele batú.
Al 46ejim dl pröm temp röia ince Ferdigg ala pröma parada, na trata cuntra porta rebatöda da n só defensur vegn parada alta. Les condiziuns dla plaza tl secundo temp, cun tröpa nei à ma lascé pró splundrades y slisorades da en trames les perts. Sön na té sclisorada à mesaciamp al 69' menüt se ciafa Clara la secunda ghela y vegn dejgort dal arbiter. Insció é segn ince la Val Badia en diesc cina la fin dla partida. Les condiziuns dla plaza é begn stades tl secundo temp sura vigni regula fora. Mó por trames les scuadres an fat. Por la proscima partida, le derby cuntra La Val, él da speré che al sides temp veramenter da d' aiscöda.

ASD Predoi - ACD Val Badia: 0 - 2

Formaziun Val Badia: 1.Rene Ferdigg, 2.Alex Miribung, 3.Mattia Kastlunger (dal 70' Simon Graffonara), 4.Armin Plazza (dal 56' Florian Barbolini), 5.Matteo Ploner (capitan), 6.Alex Stampfer (dal 87' Michele Palla), 7.Thomas Verginer (dal 79' Alexander Ploner), 8.Fabian Clara, 9.Luca Valentini, 10.Davide Denicolo (dal 62' Joel Unterweger), 11.Max Videsott.

Alenadù: Hanspeter Graffonara.

Goi por la Val Badia: 10' Thomas Verginer (1-0), 30' Matteo Ploner (2-0).

Proscima partida:  en sabeda, ai 6 d' aorì 2024 da les 15.00  sön la plaza da La Ila cuntra l'US La Val.