Sabda, 16. setëmber 2023

Le derby!

N sabeda da mesa les cater domisdé él gnü soghé la secunda partida de campionat de 3^ categoria, le derby danter l’ US La Val y l’ ACD Val Badia. Na bela prestaziun dla Val Badia a porté ai trëi punc dô na partida dër combatüda.

Al 8^ pó l’ publich dla partida odëi la pröma ocajiun por l’ La Val cun na gran trata dal limit dl’ area che vëgn parada da Ferdigg, mo ara ti sciampa. La rebatöda de n sogadú dl’ La Val vá spo de püch dlungia porta ia. Al 27^ á l’ La Val indô na ocajiun cun na trata da dalunc che vëgn parada cun trancuilité dal portier dla Val Badia. Tl pröm tëmp ne sozedl spo plü nia y insciö él l’ arbiter che sciüra la fin dl pröm tëmp al 45^ sënza recuper.
Al 58^ á la Val Badia la poscibilité da se porté in vantaje cun na gran trata de puniziun de Graffonara che vëgn parada dal portier da La Val sura porta fora. Al 64^ él incé l’ La Val che á la pröma ocajiun dl secundo tëmp cun na bela trata de cé cuntra porta de Ferdigg dô n cross t area, mo chësc é atira arjigné ca y para la trata cun na grandiscima parada. Al 78^ garetl spo l’ aziun plü importanta dla partida. Dô n cross t area da La Val resta l’ palé n pez dailó te n mujdoz, cina che Graffonara ciafá l’ palé sön l’ pé y tira cuntra porta. L’ portier aversar ne pó plü fá nia por salvé l’ resultat y insciö se porta la Val Badia sön l’ 1-0. Dô chësc gol ne ti é l’ La Val nia plü da fá tröp. Ai á ciamó na ocajiun al 84^ cun na trata dal limit dl’ area dla Val Badia, mo la trata é debla y degun problem por Ferdigg. Y insciö sciüra l’ arbiter la fin dla partida al 94^ do 4 menüc de recuper. Na partida dër combatüda da trames les perts mo ala fin porta la Val Badia i trëi punc a ciasa dô avëi mostré plü determinaziun da davagné le derby.

US La Val - ACD Val Badia:  0 - 1

Formaziun ACD Val Badia: 1. Ferdigg Rene, 2. Barbolini Florian (dal 68^ 13. Ploner Alexander), 3. Ploner Matteo, 4. Plazza Armin, 5. Videsott Max, 6. Graffonara Simon, 7. Pizzinini Luca, 8. Clara Fabian, 9. Pizzinini David, 10. Unterweger Joel, 11. Mayr Marc.

Alenadú: Graffonara Hanspeter

Proscima partida: La proscima partida vëgn sogada n sabeda, ai 23 de setëmber, dales 15:30 cuntra l’ AFC Sterzing sön l’ ciamp dal palé "Pradel" da San Martin.

Simon Graffonara à signè só pröm gol te 3a. categoria. Gol dezijif, che à porté ala devënta tl derby cuntra La Val.