Home
  • Deutsch
  • Italiano
Jöbia, 28. merz 2024
ASC Jergina Amateure - ACD Val Badia PDF Stampa E-mail
Scritto da Jonas   

ACD Val Badia 2021/22Sabda, 22. otober 2022

N resultat tlêr

Te n domisdé cialt d’ altonn él gnü soghé la partida de campionat de 3^ categoria danter l’ Jergina Amateure y l’ ACD Val Badia. Sön l’ ciamp dal palé da San Iöre él ste la scuadra de ciasa che á dominé la partida, sprecan incé tröpes ocajiuns.

Por udëi la pröma ocajiun dla partida mëss l’ publich aspeté l’ 17^, canche l’ Jergina röva ala trata che vëgn parada da Ferdigg. 10 menüc dedô, al 27^, él n sogadú todësch che röva te area y prô la trata, mo chësta vá de püch dlungia porta ia. Al 37^ él indô l’ Jergina dant cun n sogadú che röva te area y lascia pié ia na trata piazada sön l’ pröm palo. Chësc iade ne pó Ferdigg fá nia y l’ palé vá te porta por l’ 1-0. Al 40^ él i todësc che se porta incé sön l’ 2-0 cun na trata dl’ atacant bel sú dan Ferdigg, do che la defenjiun dla Val Badia á fat n fal y á lascé passé l’ palé. Al 45^ él l’ arbiter che sciüra la fin dl pröm tëmp, sënza menüc de recuper. N pröm tëmp cun pücies emoziuns.
L’ secundo tëmp mët man cun la pröma ocajiun al 47^ por l’ Jergina. L’ atacant röva al limit dl’ area ladina y lascia pié ia na bela trata a giré, olaché l’ 1 ladin ne pó plü fa nia. 3-0. Püch dedô, al 48^, él l’ Jergina che manacia da fá n gran gol sön puniziun. Mo al è indô Ferdigg te tru y insciö ne ti è la scuadra da San Iöre nia da fa ciamó n gol. Al 56^ él n atacant todësch che vá cuntra l’ zënter y lascia pié ia na gran trata, che vá naota a sbaté sön la traversa y spo söl palo. Te chësc cajo él la Val Badia che á albü na gran fortüna. Por udëi la proscima ocajiun mëssun aspete l’ 79^ canche l’ Jergina röva ala trata cun n sogadú, mo l’ portier ladin è preparé y para. Al 80^ él indô la defenjiun ladina che fej n fal y ti scinca l’ palé ai aversars, che è bi susc dan l’ portier y mëss ma plü mëte l’ palé te porta por l’ 4-0. 5 menüc dedô, al 85^, él ciamó n iade la defenjiun ladina che fej n gran fal y perd l’ palé. Chësc vëgn tut da n aversar che vá cuntra Ferdigg y tira te porta. La trata dër bela vá sura l’ portier fora y vá a sbaté sön la traversa. Al 90^ él l’ arbiter che dá 2 menüc de recuper. Al 92^ él Ploner A. che ciafa l’ palé te area. Al è bel sú y insciö pol trá te porta por tó demez l’ 0 dal resultat. 4-1. Cun chësta aziun él incé la partida che se röva sön l’ resultat de 4-1 por l’ Jergina Amateure al 92^. Al è ste na partida cun ma öna na scuadra te campo. Na scuadra che á mostré na gran cualité de jüch y tröpa vëia da soghé.

ASC Jergina Amateure - ACD Val Badia:  4 - 1

Formaziun ACD Val Badia: 1. Ferdigg Rene, 2. Mayr Marc (dal 64^ 19. Pizzinini David), 3. Kastlunger Mattia (dal 46^ 13. Miribung Alex), 4. Crepaz Omar, 5. Ploner Matteo, 6. Barbolini Florian, 7. Del Negro Roberto (dal 69^ 16. Ploner Alexander), 8. Stampfer Alex (dal 64^ 15. Valentini Luca), 9. Videsott Max (dal 76^ 18. Dallapiazza Simone), 10. Pellegrini Davide, 11. Schrott Felix.

Alenadus: Crepaz Gianni/Hanspeter Graffonara

Proscima partida: La proscima partida vëgn sogada n sabeda, ai 29 de otober, dales 14:30 cuntra l’ Prettau sön l’ ciamp dal palé da Prettau.


Ultimo aggiornamento ( martedì 01 agosto 2023 )
 
logo.jpg

Dati attuali

1. scuadra:
Prossima partita
06.04.2024 16:00
A.C.D. Val Badia
 - 
U.S. La Val
Partita precedente
23.03.2024 15:00
A.S.D. Predoi
0 : 2
A.C.D. Val Badia
VSS-U15:
Prossima partita
30.03.2024 10:30
SSV Taufers
 - 
US Alta Badia
Partita precedente
23.03.2024 14:30
ASV Milland weiss
3 : 1
US Alta Badia
VSS-U13:
Prossima partita
28.03.2024 15:00
SPG Freienfeld/Wiesen/Gossensass
 - 
US Alta Badia
Partita precedente
22.03.2024 17:00
US Alta Badia
6 : 1
Obopuschtra Jugend
VSS-U11:
Prossima partita
30.03.2024 13:30
ASV Feldthurns
 - 
US Alta Badia
Partita precedente
22.03.2024 18:00
SPG Vintl/Gitschberg/Jochtal
1 : 7
US Alta Badia
VSS-U10:
Prossima partita
08.04.2024 17:30
US Alta Badia
 - 
ASV Reischach
Partita precedente
27.03.2024 16:30
SSV Brixen
_ : _
US Alta Badia
VSS-U9:
Prossima partita
28.03.2024 14:00
US Alta Badia
 - 
Herons Natz-Schabs grün
Partita precedente
23.03.2024 10:00
Auswahl Ridnauntal
5 : 0
US Alta Badia

Chi è online


 

Copyright © 2024 US ALTA BADIA       Partita IVA: 01469470213