Home
  • Deutsch
  • Italiano
Vëindres, 29. merz 2024
SSV Mühlwald - ACD Val Badia PDF Stampa E-mail
Scritto da Jonas   

ACD Val Badia 2021/22

Sabda, 25. setëmber 2021

Na partida sogada ai 11 metri

A Mühlwald él gnü soghé na partida combatüda cina al ultimo danter döes scuadres dl indemo livel. Al è ste tröpes aziuns mo düc i trëi goi è gnüs segná dai 11 metri. La pröma partida por la Val Badia che vëgn sogada de sabeda ne va nia a finí dër bun do da na gran prestaziun cuntra na scuadra buna y n ciamp olache al è dër ri da soghé.

La partida mët man cun püces emoziuns: le publich mëss aspeté le 22^ por podëi odëi la pröma ocajiun da gol dla partida. Sön n aziun dl Mühlwald él n sogadú che mët le palé ite amez dan porta olache la defenjiun alontanëia cina al limit dl area olache n sogadú todësch lascia pié ia na bela trata de pröma che vëgn parada dal portier ladin Ferdigg. Al 31^ él indo le Mühlwald che pëia ia cun na gran aziun in velozité cun l’ atacant aversar che röva dan la porta ladina, mo al vëgn tigni sö naota da Fersuoch y spo ala fin da Ferdigg. Al 35^ él spo l pröm gol dla partida cun le Mühlwald che passa in vantaje. Do n 11 metri conzedü ala scuadra todëscia do n fal de man de Stampfer, él l’ atacant aversar che mët te porta le palé. Do dal 1-0 él spo la Val Badia che pro da reagí: al 38^, do na trata dal ciantun, él Denicoló che pro la trata che va de püch sura porta fora. Al 41^ vëgnel spo le 1-1 ladin: do n fal evidënt dl defensur todësch sön Del Negro él Denicolo che ti è da trasformé la trata dai 11 metri. 2 menüc dedô, al 43^, él indo n ocajiun por le Mühlwald. N sogadú todësch röva sú dan Ferdigg, che ti è da ti la do demez y la mëte te ciantun cun n gran intervënt. Le pröm tëmp se röva cun n ultima ocajiun por l’ ACD Val Badia: a Denicolo ti garetel na gran trata da fora d’ area che vëgn metüda te ciantun cun n gran intervënt dl portier aversar. Al 48^, do da 3 menüc de recuper, se röva spo le pröm tëmp y les scuadres va te local da se mudé.

Le secundo tëmp mët man cun n ocajiun por la scuadra de ciasa: al 54^ él n sogadú che röva al limit dl area y lascia pié ia na trata che va de püch dlungia porta ia. Al 68^ él indo le Mühlwald che atachëia cun na gran trata girada da dalunc dala porta che vá de püch dlungia porta ia. Sëgn él la scuadra de ciasa che pro te vigni manira da passé indo in vantaje. Al 71^ él n sogadú aversar che röva jö insom ala fascia y mët n palé dër prigorus dan porta. Pellegrini F., do avëi rischie l’ autogol, ti è ciamo da tra demez le palé sön linea de porta cun n gran intervënt. Al 75^ él indo na ocajiun por la scuadra da Mühlwald cun na puniziun da na posiziun prigorosa che vá de püch sura porta fora. 2 menüc dedô él indo bel avisa l’ indema ocajiun madër che chësc iade él le palé che va de püch dlungia porta ia do dan n gran strisciun dl sogadú aversar. Al 83^ él Del Negro che lascia pié ia na gran trata da fora d’ area che va de dër püch dlungia porta ia. Al 85^ él indô n ocajiun por i patruns de ciasa cun na gran trata che vëgn parada cun n gran intervënt de Ferdigg. Al 90^ vëgnel mostré 5 menüc de recuper. Al pê che la partida vais a ruvé 1 – 1, mo spo él n intervënt dl arbiter che cambia l final de na partida dër ecuilibrada. Al 93^ èl l’ arbiter che ti conzed al Mühlwald n 11 metri, l terzo dla partida, dër dübe do da n intervënt de Ferdigg sön n atacant todësch. Chësc 11 metri vëgn spo realisé da la scuadra todëscia y insciö se röia ince la partida al 95^.
Na pordüda nia meritada por la Val Badia che á soghé süa miú partida dla sajun cina sëgn cun tröpa grinta y vëia da davagné la partida.

SSV Mühlwald - ACD Val Badia: 2 - 1

Formaziun ACD Val Badia: 1. Ferdigg René, 2. Liotto Dylan (dal 45^ 13. Pellegrini Federico), 3. Kastlunger Mattia, 4. Stampfer Alex, 5. Barbolini Florian, 6. Fersuoch Kevin, 7. Mayr Marc (dal 78^ 15. Oberbacher Hannes), 8. Denicoló Davide, 9. Pizzinini David, 10. Del Negro Roberto, 11. Schrott Felix (dal 78^ 14. Pellegrini Ivan).

Amoniziuns: 65^ 11. Schrott Felix, 74^ 5. Barbolini Florian, 80^ 13. Pellegrini Federico, 88^ 14. Pellegrini Ivan, 89^ 6. Fersuoch Kevin, 93^ 1. Ferdigg René.

Gol pur la Val Badia: 41^ 8. Denicolò Davide.

Alenadú: Folchi Maurizio

Proscima partida: La proscima partida vëgn sogada proscima domënia, ai 3 de otober, dales 15:30 cuntra Sexten sön l ciamp dal palé "Pradel" a San Martin de Tor.

Ultimo aggiornamento ( lunedì 08 agosto 2022 )
 
logo.jpg

Dati attuali

1. scuadra:
Prossima partita
06.04.2024 16:00
A.C.D. Val Badia
 - 
U.S. La Val
Partita precedente
23.03.2024 15:00
A.S.D. Predoi
0 : 2
A.C.D. Val Badia
VSS-U15:
Prossima partita
30.03.2024 10:30
SSV Taufers
 - 
US Alta Badia
Partita precedente
23.03.2024 14:30
ASV Milland weiss
3 : 1
US Alta Badia
VSS-U13:
Prossima partita
06.04.2024 15:00
Auswahl Bruneck Pustertal
 - 
US Alta Badia
Partita precedente
28.03.2024 15:00
SPG Freienfeld/Wiesen/Gossensass
5 : 0
US Alta Badia
VSS-U11:
Prossima partita
30.03.2024 13:30
ASV Feldthurns
 - 
US Alta Badia
Partita precedente
22.03.2024 18:00
SPG Vintl/Gitschberg/Jochtal
1 : 7
US Alta Badia
VSS-U10:
Prossima partita
08.04.2024 17:30
US Alta Badia
 - 
ASV Reischach
Partita precedente
27.03.2024 16:30
SSV Brixen
1 : 3
US Alta Badia
VSS-U9:
Prossima partita
05.04.2024 18:30
US Alta Badia
 - 
ASV Feldthurns blau
Partita precedente
28.03.2024 14:00
US Alta Badia
_ : _
Herons Natz-Schabs grün

Chi è online


 

Copyright © 2024 US ALTA BADIA       Partita IVA: 01469470213