Home
  • Deutsch
  • Italiano
Vëindres, 29. merz 2024
ACD Val Badia - ASD Pfalzen PDF Stampa E-mail
Scritto da Renato   

ACD Val Badia 2019/20

Domënia, 13. setëmber 2020

ACD Val Badia - ASD Pfalzen:  6 - 1

Segra dl gol cuntra en malcapité Falzes, la Val Badia met sot la jona formaziun pustra

La scuadra dl palê da Falzes baia ince ladin. Le vize alenadú é Heini Chizzali de Canal/Rina, che à soghè tles scuadres dl San Martin de Tor y dl Rina. Acompagnadú y verdalinies é Gotti Irsara de Badia, da na vita cun tröpa pasciun pró chesc sport. La formaziun alenada da Manni Villgrater é valgamia jona y mess se fá l esperienza te chesta categoria. Te n domisdé de bel soredl y cun le ciamp "Pradel" de morveia, na la VB nia adoré dî por se fá süa la partida. Bele dô le pröm temp é le resultat al sigú. Spo lapró cun le capitan "Matti" Stampfer scatené, na i pustri nia albú tröp da mete de cuntra.

Al 4^ menüt passa Farenzena t' aria à "Matti" che tira alt da buna posiziun. Dô da 16^ de jüch tira le önesc Schwarz na puniziun te porta, Ferdigg robat cun i pügns. Dô da 17^ menüc toma le 1 a 0. Olex Stampfer fej n pass che taia fora la defensciun y fej rové bel sú t' aria "Matti" che tira tl piz lunch sön la man ciampa dl portier. Dô da 29^ menüc tira Da Roit na bela puniziun de püch alta. Tl medemo menüt passa Masoch t' aria en gran palê por le diesc dla VB che sön la gnöda à d'incuntra dl verdaporta alzel n "palonetto" te porta por le 2 a 0. Al 37ejim aroba "Maso" Masoch en palê dan aria. Chesc le passa ascvelt a "Matti" t' aria che alza te porta por le saorí 3 a 0. Al 51ejim dô na bela aziun passa Da Roit a "Matti" t' aria n gran palê. Le "goleadú" le splundra te porta danter le pé y le portieri te por le 4 a nia. Dô da 62^ menüc tira Farenzena te porta, en defensur abina le curan cun les mans dan aria, mó chesc röia impó te porta por le 5 a 0. Degöna conseguenza por le defensur y le gol vel. Cun n bel pass bâs de Farenzena röia al 70ejim Schrott bel sú dan le un Aichner che al bat cun n bel "palonetto" por le sesto gol ladin. Le medemo Schrott se veiga paran na trata da dan aria ia por tera al 78^ menüt. Al 79^ de jüch fej ince le Falzes na bela aziun, n bel cros sot porta. Chiló röia ala deviaziun de ce l' önesc Schwarz che met le curan danter pé alt y Ferdigg. Le un dla VB le abina ciamò apena cun i deic, mó al ne nia bun dal devié fora de porta. Almanco chesta ligreza dl gol ti é dada a chi da Falzes por só impegn ince sön n te resultat tan posoch. Al 91^ menüt podess ince Prada fá só gol, sön na pasada de "Cere" Da Roit röiel sú dan le jon portier y tira alta fora. Mo por en chö bastl begn cun i goi. An pó se gode la bela deventa cun i trei punc che fej tlassament.

Formaziun Val Badia: 1.Rene Ferdigg, 2.Heinrich Conrater (dal 75^ Matteo Ploner), 3.Mattia Kastlunger, 4.Alex Stampfer, 5.Federico Pellegrini, 6.Paolo Adami, 7.Gianluca Lorenzini (dal 69^ Marc Mayr), 8.Alessandro Da Roit, 9.Simone Masoch (dal 56^ Roberto Del Negro), 10.Matthias Stampfer (capitan) (dal 64^ Max Schrott), 11.Enrico Farenzena (dal 72^ Gabriel Prada).

Alenadú: Cristian Curti.

Goi por la Val Badia: 17^, 29^, 37^ y 51^ Matthias Stampfer, 62^ Enrico Farenzena, 70^ Max Schrott.

Proscima partida:  En domenia ai 20 de setëmber da les 15:30 cuntra le Terenten sön la plaza da Terenten.


Ultimo aggiornamento ( lunedì 09 agosto 2021 )
 
logo.jpg

Dati attuali

1. scuadra:
Prossima partita
06.04.2024 16:00
A.C.D. Val Badia
 - 
U.S. La Val
Partita precedente
23.03.2024 15:00
A.S.D. Predoi
0 : 2
A.C.D. Val Badia
VSS-U15:
Prossima partita
30.03.2024 10:30
SSV Taufers
 - 
US Alta Badia
Partita precedente
23.03.2024 14:30
ASV Milland weiss
_ : _
US Alta Badia
VSS-U13:
Prossima partita
05.04.2024 17:30
Auswahl Bruneck Pustertal
 - 
US Alta Badia
Partita precedente
28.03.2024 15:00
SPG Freienfeld/Wiesen/Gossensass
5 : 0
US Alta Badia
VSS-U11:
Prossima partita
06.04.2024 15:00
US Alta Badia
 - 
SPG Ridnauntal/Sterzing
Partita precedente
22.03.2024 18:00
SPG Vintl/Gitschberg/Jochtal
1 : 7
US Alta Badia
VSS-U10:
Prossima partita
08.04.2024 17:30
US Alta Badia
 - 
ASV Reischach
Partita precedente
27.03.2024 16:30
SSV Brixen
1 : 3
US Alta Badia
VSS-U9:
Prossima partita
05.04.2024 18:30
US Alta Badia
 - 
ASV Feldthurns blau
Partita precedente
28.03.2024 14:00
US Alta Badia
_ : _
Herons Natz-Schabs grün

Chi è online


 

Copyright © 2024 US ALTA BADIA       Partita IVA: 01469470213