Sabda, 05. setëmber 2020

AFC Sexten - ACD Val Badia:  3 - 0

La pröma de campionat né nà nia porté punc

Finalmenter pon indô soghè al palê dô la lungia palsa, che á fat tomé fora döt le rode da d' aiscöda.Dô na buna preparaziun feter sciöche senza, se confortun sön la pröma partida de campionat. La scuadra dl Acd Val Badia é por le cuarto ann tles mans dl alenadù agordin Cristian Curti. I sogadus é ince sö por jó restá i medemi dl ann passé. La "pröma" sön le rî ciamp dl Sest é bele n impegn important y desigú nia tan saurí. Sce begn che la partida é stada pordöda por trei a nia, le resultat é begn en pú alt.

La formaziun de Curti á fat na buna partida. En pú condizionada dala scvelta desgorta de Fersuoch. Al 3^ menüt passa ite t' aria Schrott al bel sú Masoch che vegn anticipé da atent portier dl Sest. Dô da 12^ de jüch tira Matti Stampfer en palê da ciantun rodunt te porta, Villgrater robat fora cun i pügns. Al 20^ menüt tira ince i pustri le pröm iade te porta. Cun na puniziun da dan aria de L. Lanzinger, Ferdigg para ia por tera. Al 27ejim anticipeia en defesur puch dan porta de cé Schrott, che é arjigné ala deviaziun te porta. Dô da 42^ menüc tira le Sest na puniziun da der dá dalunc t' aria ladina, chiló él bel sú le cinch L. Lanzinger che devieie saurí de cé te porta por le vantaje begn nia merité. Do da 45^ de jüch él na tara te porta da na pert ite dl set Trenker che le un dla VB para saurí.
Tla palsa é le alenadú Curti cuntent cun le impegn y le jüch, mo nia cun le gol bumercé ciafè. Al 49^ menüt sciampa Schrott cuntra aria dl Sest, le diesc Fuchs le tira jó, chesc é bele amoni. Mo le arbiter Cicorella ne le desgoc nia. Protestes ladines. Al 59^ menüt fej Fersuoch en fal dan aria dla VB sön en atacant puster, chiló lascia atira odei le diretur la "chöcena". La VB é segn en diesc. Al 61^ de jüch segna H. Happacher cun na trata dá da lunc a mesa alteza tl piz lunch le 2 a 0. Dô da 63^ menüc salta ite t' aria le descdot Gatterer che vegn mazé jö dal defensur "Nusc" Erlacher. Önesc metri iüst por le Sest. La trata secia sön la man derta de Ferdigg de H.Happacher porta al 3 a 0. Na buna ocajiun por rové al gol à ciamò Farenzena che röia püch dan le portier ala trata, chesc cun n gran intervent alza sura la stangia de porta te ciantun. Le resultat ne chambia plú nia.

Formaziun Val Badia: 1.Rene Ferdigg, 2.Simon Erlacher (dal 73^ Luca Crepaz), 3.Mattia Kastlunger (dal 58^ Matteo Ploner), 4.Alex Stampfer, 5.Federico Pellegrini, 6.Kevin Fersuoch, 7.Heinrich Contrater (dal 58^ Enrico Farenzena), 8. Roberto Del Negro, 9.Simone Masoch, 10.Matthias Stampfer (capitan) (dal 74^ Alexander Ploner), 11.Max Schrott (dal 81^ Alessandro Dapunt).

Alenadú: Cristian Curti.

Proscima partida:  en domenia, ai 13 de setember 2020 dal les 15:30 cuntra Falzes sön le plaza "Pradel" a San Martin de Tor.