Home
  • Deutsch
  • Italiano
Jöbia, 28. merz 2024
ACD Val Badia - ASD Olang PDF Stampa E-mail
Scritto da Renato   

ACD Val Badia 2019/20

Domënia, 27. otober 2019

Sfumé por püch le pröm post te tlassament, à dui menüc da la fin dl recuper toma le pêr

Ara ná nia orú ester, scé la Val Badia es davagné la partida era da sora pröma te tlassament. Al foss sté en resultat storich. En vantaje da la mesora dl pröm temp se ara ciafè le pêr tl terzo di cinch menüc de recuper. Ci senn. Mo an pó ester impó contenc, ince n punt moi le tlassament y an é bugn secundi. La partida sön la plaza dl palé da La Ila met man cun n pêr de beles aziuns da pert di önesc de Curti. Deplú iadi sön i "scrais" di pustri scura le arbiter valgamia mâl sigú deplú fora dl jüch che nê nia.

Do da 11^ menüc dribleia t' aria Matti Stampfer deplú defensurs y tira te porta, la trata vegn rebatöda. Al 18ejim él ince le Valdaora t' aria ladina cun na trata dl diesc Auer. Ara é alta sura porta fora. Al 25^ de juch él na gran aziun da na pert jö de Farenzena che passa ite lunch t' aria olache le sú Kastlunger arjöma la saurida deviaziun. Do da 32^ menüc toma le "corius" vantaje por la VB. Le defensur Neunhäuserer ti passa le curan de revers al só portier, chesc impede le trá atira demez prô sön presciun de Farenzena na sogada che ti costa la "papera". "Enrico" ti tol le palé i le tira te porta bela öta, à na te scincunda ne pon ti dí de nó. Do da 47^ menüc sügha fora mesa defensciun dl Valdaora Masoch y crosseia dal atra pert dl aria por le capitan Stampfer che bel sú dan porta ne röia nia ala deviaziun te porta. Do da 67^ de jüch dô na bela aziun personala röia Farenzena ala trata che atoca la rei defora dla porta. Dal atra pert para le portier dla VB val puniziun nia der prigorosa. Al 88ejim él la gran ocajiun da mete al sigú le resultat. "Jan" Lorenzini tira da püc metri te porta bass sön le secundo pé. Le un Mutschlechner se destira devian da na pert fora te ciantun. Na gran parada che se fej pordené la gran falada dl pröm temp. Do da 90^ menüc tira te porta le dejedot Elzenbaumer, püch dan le pé bass devieia fora Ferdigg, salvan le vantaje y magari le deventa. Le arbiter cunzed begn cinch menüc de recuper, en pú massa por i alenadus dla Val Badia. Al 91^ de jüch vegn lancie lunch sön Schrott che é n pêr de metri tla mesaciamp dl Valdoara, cun en grou fal le maza sot y sura le trei Neuhäuserer che se ciafa la secunda "ghela" y vegn desgort. I pustri é segn ma plú en diesc. Do deplú trates da ciantun di pustri, toma al 93^ menüt le 1 a 1. Na rebatöda fora dl aria ladina röia al vint Hainz che splundra te porta danter deplú sogadus de intrames les scuadres ite. Ferdigg ne veigha nia la trata che arsesc te rei por le pêr. Gran ligreza por i pustri, che pó se porté à ciasa en punt. Saú ajia por la VB che né nia stada buna da stlú la partida y vá fora dal ciamp begn en pú desenada.

ACD Val Badia - ASD Olang:  1 - 1

Formaziun dla Val Badia: 1.Rene Ferdigg, 2.Simon Erlacher, 3.Matteo Ploner, 4.Gianluca Lorenzini, 5.Kevin Fersuoch, 6.Florian Barbolini, 7.Simone Masoch, 8.Cristian Granruaz, 9.Mattia Kastlunger (dal 77^ Marc Mayr), 10.Matthias Stampfer (capitan) (dal 89^ Alexander Ploner I), 11.Enrico Farenzena (dal 83^ Max Schrott).

Alenadú: Cristian Curti.

Gol por la Val Badia: 32^ Enrico Farenzena.

Proscima partida:  Domenia, ai 3 de novëmber 2019 da les 14:30 sön la plaza da Gais cuntra le Gais.


Ultimo aggiornamento ( domenica 30 agosto 2020 )
 
logo.jpg

Dati attuali

1. scuadra:
Prossima partita
06.04.2024 16:00
A.C.D. Val Badia
 - 
U.S. La Val
Partita precedente
23.03.2024 15:00
A.S.D. Predoi
0 : 2
A.C.D. Val Badia
VSS-U15:
Prossima partita
30.03.2024 10:30
SSV Taufers
 - 
US Alta Badia
Partita precedente
23.03.2024 14:30
ASV Milland weiss
3 : 1
US Alta Badia
VSS-U13:
Prossima partita
28.03.2024 15:00
SPG Freienfeld/Wiesen/Gossensass
 - 
US Alta Badia
Partita precedente
22.03.2024 17:00
US Alta Badia
6 : 1
Obopuschtra Jugend
VSS-U11:
Prossima partita
30.03.2024 13:30
ASV Feldthurns
 - 
US Alta Badia
Partita precedente
22.03.2024 18:00
SPG Vintl/Gitschberg/Jochtal
1 : 7
US Alta Badia
VSS-U10:
Prossima partita
08.04.2024 17:30
US Alta Badia
 - 
ASV Reischach
Partita precedente
27.03.2024 16:30
SSV Brixen
_ : _
US Alta Badia
VSS-U9:
Prossima partita
28.03.2024 14:00
US Alta Badia
 - 
Herons Natz-Schabs grün
Partita precedente
23.03.2024 10:00
Auswahl Ridnauntal
5 : 0
US Alta Badia

Chi è online


 

Copyright © 2024 US ALTA BADIA       Partita IVA: 01469470213