Domėnia, 17. merz 2019
Massa stersc i pröms por porvé da fį resultat
Nia da en fį cuntra i pröm te tlassament, l Lijun. Formaziun sterscia che s`į porté senza tantes dificultes na clera deventa ą ciasa. Bele la önescima sön dodesc partides sogades, record de döta la provinzia ti trei rodi de 2a. Categoria. La nöia plaza da la Ila é te bunes condiziuns, l vent ą acompagné döta la partida. La scuadra de Curti cun sü mesi ą porvé da se defene al miś, limitan i dans y ą ma albś öna na buna ocajiun de signč. Te tlassament toma la VB jö al penultim post, le Vandoies ą davagné y ti č passé dant de dui punc. La strada por la "salveza" é erta. Le proscimo rī aversar sarį bele la proscima partida, i secundi dl Gais.
Al 11^ menüt ą i ghesc la pröma gran ocajiun, daimpröma fete sś tire le ot Federspieler ą dös al portier Ferdigg püch dan porta. Do na seria de rebatödes é buna la defensciun dla VB da tra fora d' aria. Do da 15^ de jüch ciafa i lüsneri da puniziun en toch dan aria por en fal de Felder. Le gardena Simon Senoner la tira cun savei surale mür it, ara röia püch dacį da la incrujada di legn te rei. En gran bel gol, por le 0 a 1. Al 18^ de jüch röia da na pert ite t' aria le dui Oberhauser ala trata, chesta atoca la pert ia dedō dla rei de porta. I pröms ciafa deplś puniziuns y trates da ciantun, sön cheres che la VB é buna da se defene tignin le resultat sön le 0 a 1. Do da 36^ menüc croseia t' aria Granruaz lunch, da dō cį röia Felder bel sś dan porta arjoman la saurida deviaziun te porta. Al 39^ menüt toma le 0 a 2. Na puniziun de Kaneider t' aria vegn rebatöda da Ploner cörta püch dan aria. Chiló la tol le set Lorenz al jore splundran te porta por en gran bel gol. Tl secundo temp cara le ritm y le jüch vegn inant comané dal Lijun che röia vigni tant ą de bunes ocajiuns. Insció ince al 69ejim olache al toma le 0 a 3. Federspieler cun n diagonāl bass da fora dl aria atoca bel te porta sön le secundo pé. Ma dui menüc dedō toma le 0 a 4, na puniziun da en toch fora dl aria de Kaneider röia rodunta te porta dō le mür ite. Cun chesc resultat bel tler y trei punc meritį salüda le Lijun la Val Badia.
ACD Val Badia - SV Lüsen: 0 - 4
Formaziun dla Val Badia: 1.Rene Ferdigg, 2.Matteo Ploner (dal 85^ Christian Azzolini), 3.Mattia Kastlunger (dal 68^ Alexander Ploner), 4.Gianluca Lorenzini, 5.Samuel Vittur, 6.Andrea Conrater, 7.Alex Felder (dal 83^ Luca Bernardi), 8.Alex Stampfer (dal 72^ Simon Erlacher), 9.Roberto Del Negro (dal 61^ Marc Mayr), 10. Matthias Stampfer (capitan), 11.Cristian Granruaz.
Alenadś: Cristian Curti.
Proscima partida: en domenia, ai 24 de merz 2019 da les 15:00 cuntra Gais sön la plaza da Gais. |