Home arrow Verein arrow Infrastrukturen arrow Na gran scincunda por i 40 agn
  • Deutsch
  • Italiano
Freitag, 29. März 2024
Na gran scincunda por i 40 agn PDF Drucken E-Mail
Geschrieben von Usc di ladins - pablo   

St. Lorenzen

Domënia, 07. otober 2018

Na gran scincunda por i 40 agn

La Uniun Sport Alta Badia á complí carant'agn de vita. Le iubileum é gnü festejé en domënia 7 otober y por l'ocajiun án podü inaudé y benedí le bel ciamp sintetich nü. 

Fotos: Freddy Planinschek

Sce na uniun pó festejé n iubileum, él dagnora ince na desmostraziun che le laur fat da n gröm de persones, scialdi debann y cun tröp idealism, á porté de bugn früc. Öna de chëstes uniuns é l'Uniun Sport Alta Badia, che á podü festejé en domënia 7 otober  le compliann toronn de 40 agn. Por chësta ocajiun án ince podü despochené, inaudé y benedí na scincunda particolara: le ciamp dal sport sintetich realisé dal Comun de Badia. Na strotöra che jo debojëgn por podëi respogne ales normes y garantí insciö inant l'ativité y le desfiré dles partides ofiziales.
Al č i 5 de messé dl 1978 che al rovŕ adöm tl Hotel Col Alto a Corvara 8 porsones da döta l'alta valada, por mëte en pé l'US Alta Badia. Pröm presidënt gno lité Vijo Tavella de Badia, che á albü chësta inciaria por trëi agn. I trëi agn dedo surantolo spo Leo Crepaz de Badia, denanche i lascé le scëter a so compaejan Ubi Valentini, che mëna la uniun da oramai 34 agn incá. Incö á l'US Alta Badia indöt 8 scuadres dl palé che soga ti campionac desvalis - na pert ince sot l'inom dl ACD Val Badia, do che an á lié les forzes cun la US San Martin. Döt adöm passa 100 jogn che fej insciön'ativité sana por mënt y corp, mo ince por la formaziun dla personalité.
Le iubileum de 40 agn án orü festejé ai 7 d'otober söle ciamp dal sport nü, olache al é rové alerch na bela cumpëda de jënt, danter sogadus, autorités, familiars y simpatisanc. La festa á metü man cun na santa mëssa, zelebrada dal siur degan Iaco Willeit y abelida dal sonn dla Müjida da La Ila. Na mëssa te chëra che an á orü rengrazié por i bugn früc che l'ativité á porté, recordé chi che á daidé scrí la storia y s'un é bele jüs, mo ince perié che le laur pois jí inant sot la man de Dí. Do mëssa á le Degan cherdé jö la benedisciun sön les strotöres sportives, perian che le Signur portes proteziun ince sön la jënt che les adora, chi che fej sport y che acompagnëia i jonins te sües aitivités. 
Insciö podon passé ala pert ofiziala cun i discurs d'ocajiun. L'Ombolt Iaco Frenademetz á orü recordé Giuvanin Valentini sciöche pionier che á albü gran mirit por la realisaziun dl ciamp, canche al s'á instës chirí adöm jënt por avalié fora n terac che é da coi, büjes y parüs. Al á ince alzé fora tan che che le ciamp vëgn anuzé y che al é porchël n "investimënt plü che iustifiché".
L'assessuria provinziala Martha Stocker á lalde i funzionars y sportifs che á porté inant la uniun: "Zënza de ëi ne fajesson incö nia festa". So colegh de junta Florian Mussner á baié dles strotöres sportives sciöche nezescité por crësce sö te n ambiënt sann; un di aspec che á motivé la Provinzia da conzede le contribut plü alt dl 80%.
Le presidënt atual Ubi Valentini á baié de n de de ligrëza, che gareta do 40 agn de alc y basc, de suzes y ince pordüdes: "Te degun ciamp n'imparon d aperde sciöche tl sport, ci che é ince n insegnamënt por le dagní de nosta vita". Al á porchël orü i sporje n giulan: al Comun por l'aprijamënt che al á desmostré n iade implü cun la realisaziun dl ciamp, a chi che á acompagné la uniun te chisc agn, ofrin sö tröp de so tëmp lëde, y nia inultima ai sogadus che á porté ite vita cun so impëgn. N rengraziamënt sotrissé ince dal surstant dl VSS Günther Andergassen.
Inultima á ince tut la parora Giuvanin Valentini; te süa manira spontana ál cunté sciöche ara é stada canche an á metü man da realisé le ciamp, te chël che ël instës á investí tröpes ores. Na strotöra che i stá ciamó aldedaincö dër a cör, ci ch'an á aldí fora tles ultimes parores ch'al á dit: "Canche i sun ian bosch ch'í romëni sö y vëighi te ciamp i sogadus che l'anüza, él por me la maiú sodefaziun".
InsciÖ mancial ma plü l'aorela cörta. Porchël é gragn y pici gnüs inviá a n renfrësch; dailó sarál sigü sté por valgügn l'ocajiun da se recordé zoruch a sciöche ara e stada, canche la uniun a fat sü pröms vari, y se ralegré de ci ch'ara é deventada cina aldedaincö. Ad multos annos! (pablo)
 
 
 
 
 
 
 
 
 
 
 
 

 
Fotos: ©Freddy Planinschek
Letzte Aktualisierung ( sabato, 24 novembre 2018 )
 
logo.jpg

Aktuelle Daten

1. Mannschaft:
Prossima partita
06.04.2024 16:00
A.C.D. Val Badia
 - 
U.S. La Val
Partita precedente
23.03.2024 15:00
A.S.D. Predoi
0 : 2
A.C.D. Val Badia
VSS-U15:
Prossima partita
30.03.2024 10:30
SSV Taufers
 - 
US Alta Badia
Partita precedente
23.03.2024 14:30
ASV Milland weiss
3 : 1
US Alta Badia
VSS-U13:
Prossima partita
06.04.2024 15:00
Auswahl Bruneck Pustertal
 - 
US Alta Badia
Partita precedente
28.03.2024 15:00
SPG Freienfeld/Wiesen/Gossensass
5 : 0
US Alta Badia
VSS-U11:
Prossima partita
30.03.2024 13:30
ASV Feldthurns
 - 
US Alta Badia
Partita precedente
22.03.2024 18:00
SPG Vintl/Gitschberg/Jochtal
1 : 7
US Alta Badia
VSS-U10:
Prossima partita
08.04.2024 17:30
US Alta Badia
 - 
ASV Reischach
Partita precedente
27.03.2024 16:30
SSV Brixen
1 : 3
US Alta Badia
VSS-U9:
Prossima partita
05.04.2024 18:30
US Alta Badia
 - 
ASV Feldthurns blau
Partita precedente
28.03.2024 14:00
US Alta Badia
_ : _
Herons Natz-Schabs grün

Wer ist online


 

Copyright © 2024 US ALTA BADIA       Partita IVA: 01469470213