Domënia, 15. otober 2017

Bel recuper cun forza de volonté

La trasferta de Taisten è bel da agn öna dles plü ries y nianca ti mius agn ne jora da davagné sön chësc ciamp. La Val Badia á indo recuperé en per de sogadus importanc y ó desmostré da ester al altëza di aversars che süga te ciasa.

La partida mët man mal pur la Val Badia. Bel do da 3 menüc è n lancio che porta l’atacant Haspinger sú dan l’portier ladin y ince sce al e ruvé n pü sön na pert el bun da trá söl secundo palo sot l’incrujada de porta ite por en gran gol. La Val Badia è indo n iade in dificolté bel da mët man la partida. Da peso sozedl do da 20 menüc de jüch, ola che al ti röva la cogora al centrocampist Gitzl che pro la trata da plü de 30 metri. L’portier Ferdigg n’é nia sté pronto y se lascia sciampé la cogora dlungia ite por l’2 a 0 dla scuadra de ciasa. Purmó sëgn, cun nia plü da perde röva la Val Badia bel plan te partida. Les aziuns mët man a gní tres plü prigoroses y i aversars azica tres demanco la cogora. En per de trates de Matthias y Manuel che le portier è bun a paré fej bun speré pur l’gol che röva ince al 38’ menüt cun Gabriel Prada. Matthias sciampa da na pert jö y passa ite amez a Prada che pó apogé te porta por l’2 a 1. L’gol porta coraje pur i ladins che süga inant por l’per fina ala fin dl pröm tëmp.
Tl secundo tëmp cambia nia la cossa e la Val Badia drüca cun Gabriel, Manuel y Matthias che röva tres prigorusc dan la porta. Al 64’ menüt röva spo ince le per merité cun Matthias che sciampa ala defenjiun y ne sbaglia nia sú dan le portier. Püch dedo röva ciamó la Val Badia a en per de ocajiuns por le vantaje, mo le portier aversar è tres tl dërt post. Verso la fin dla partida spo el ciamó la scuadra de ciasa che pro da se alzé por davagné la partida cun i sogadus dla Val Badia stanc, mo la defenjiun tëgn fina ala fin. Sciode pur i pröms 20 menüc mo ala fin pó ester i sogadusc cuntënc da avëi ciamó porte a ciasa en punt da chësta partida en trasferta.

ASD Taisten - ACD Val Badia:  2 - 2

Formaziun: 1. René Ferdigg, 2. Matteo Ploner, 3. Andrea Conrater 4. Alex Stampfer, 5. Paolo Adami, 6. Samuel Vittur, 7. Gabriel Prada (dal 83’ Nicola Zuliani), 8. Alex Felder 9. Manuel Clara (dal 87’ Mattia Kastlunger), 10. Matthias Stampfer capitan, 11. Damian Pallestrong (dal 86’ Alexander Ploner)

Alenadú: Cristian Curti.

Goi: Gabriel Prada (38' menüt), Matthias Stampfer (64' menüt).

Proscima partida: en domënia 22.10.2017 dales 15:30 a San Martin cuntra la scuadra da La Val.