|
Domėnia, 25. setėmber 2016
Are é rovada, la pröma y meritada devёnta te chёsc campionat de 2a. Categoria
En la segra da San Martin él tradiziun chё an mёss davagné la partida te ćiasa, dit y fat. La Val Badia ti é stada suracé cun na dёr buna prestaziun y inće le tler resultat é iüst. Al é sté da odёi na bela devёnta te en bel dominsdé. Le publich é en pü "megher".
Bele al pröm menüt röiun dlungia al gol. Le capitan dla VB "Matti" tira na puniziun püch dan le limit, le palé atoca la stangia de porta. Do da 27^ de jüch toma le 1 a 0. Do na bela aziun dla VB passa t' aria Schrott derevers por M.Stampfer che lascia pié ia na gran trata che röia te porta sön la man dёrta dl portier. En menüt dedō tira le Vandoies zentral te porta, Ferdigg ne se tёgn nia le curan che röia la diesc M.Leitner che tira alta fora. Bele al 41^ menüt mёss la VB sostituķ Schrott che sogha dёr bun en atach por en infortüne.
Al 48^ menüt sbalia Vittur la passada derevers propi sön le nü Mirabella, goleadś puster. Al tira sś dan Ferdigg che fej na bela parada salvan la porta ladina. Do da 56^ de jüch toma le dopl vantaje di önesc de Folchi. H.Conrater röia da la man dёrta jö y odon "Matti" che se porta ite cuntra le limit ti passel le curan che le "capitan" splundra te porta por le 2 a 0. Al 76ejim él na bela aziun de Barbolini sön la man ćiampa cun cross t' aria che Prada tol al jore devian te porta. En defensur salva cun na deviaziun te ćiantun. Dui menüć dedō tira le Vandoies na puniziun zentrala, normal laur por le verdaporta dla VB che blochёia. Al 82^ menüt tira Crazzolara na gran puniziun sön le pröm pé de porta, olaché le un Wieser ne pó nia rové, 3 a 0 i pröm gran bel gol por "Miguel" cun la nöia maliёta dla Val Badia. Cun chёsc bel y toron resultat se röia la bela y meritada devёnta. Inant vara cun le "derby" cuntra le Mareo, cun na buna saś. Mo ocio "derby" é pa "derby".
ACD Val Badia - SV Vintl: 3 - 0
Formaziun dla Val Badia: 1.Rene Ferdigg, 2.Heinrich Conrater, 3.Florian Barbolini (dal 88^ Simon Erlacher), 4.Samuel Vittur, 5.Andrea Conrater (dal 46^ Alex Stampfer), 6.Paolo Adami, 7.Alex Felder, 8.Emanuel Dorigo, 9.Miguel Crazzolara, 10.Matthias Stampfer (capitan), 11.Max Schrott (dal 41^ Gabriel Prada).
Alenadś: Maurizio Folchi.
Goi por la Val Badia: 27^ y 56^ Matthias Stampfer, 82^ Miguel Crazzolara.
Proscima partida: en domёnia ai 2 d' otober , dales 15.30 sön la plaza "Ciamaur" a Al Plan por le derby cuntra le Mareo. |
