Domënia, 18. setëmber 2016

Le palé nó nia jí te porta, do tröpes de bunes ocajiuns, a ciasa à mans ötes

Ara nó nia ester. Dô na buna partida cun jüch y tröpes de bunes ocajiun da gol arjomades resta i trei punc ia en Fones. Der buna ince la prestaziun cun en pü de fortüna dl portier Aichner che à dé tröpa sicureza ala jona scuadra de ciasa.

Al 3^ menüt tira t' aria Barbolini te porta, le un dl Fones robat demez. Do da 19^ de jüch tira "Matti" do na bela aziun cun pass de Crazzolara da en meter te porta le un é atent y para ia por tera. Sön la pröma trata te porta al 41^ menüt toma le 1 a 0. Da man derta ite röiel en cross dl sis Lanziner püch dan porta olache le önesc Puner (le plú jon te ciamp cun sü sedesc agn) tol le palé al jore antizipan Vittur y le osc te porta por le bel gran gol. Al 44^ de jüch él do na bela aziun dla VB la gran ocajiun dl pêr. Al röia ala trata te porta da na pert ite H.Conrater, Aichner jore devian fora de porta la gran trata.
Do da 46^ menüc él en colp de ce de M.Stampfer paré alt dal un. Al pröm menüt dl secundo temp él en anziun en toch dan la gran aria danter Adami y en atacant dl Fones. Tun iade scüra le arbiter I.Oberhauser na puniziun por i ciasarins. Ara vegn trata dal diesc Pramstraller sura le mür ite y ara röia te porta por le 2 a 0 dlungia pé bass sön la man ciampa de Ferdigg ite. Ponsan ala decijun dl arbiter, esun podü se sparagné chesc gol. Al 55ejim tira le capitan ladina alta te porta dan le limit, le portier robat cun i pügns fora de porta. Do da 61^ menüc´ röia do na bela aziun cun palê bass sú le diesc ladin dan le un Aichner. La trata él bun da robate cun le pé cun na gran reaziun. Al 67^ de jüch tira le autur dl pröm gol te porta rovan da na pert ite t' aria. Ferdigg devieia te ciantun sön süa man derta. Sön n' azion jö da pé dl cíamp t' aria al 80^ menüt vegn contrasté y fat tomè "Matti" dal portier Aichner chanche al jo sú cuntra porta. Al es podü ester en önescmetri nia conzedú. L' ultima gran ocajiun por la VB toma al 94ejim. Sön na trata de ciantun de Felder röia t' aria ala gran deviaziun de ce "Nusc" Erlacher, mader en pü alta sura stangia fora. An à odü na bela reaziun da pert dla formaziun de Folchi, mo gonot senza fortüna ne vara nia. E i goi ne toma nia plú tan saurí cho tl ultim campionat. La posizun te tlassament é valgamia dô ia, adöm a les atres scuadres dla Val Badia.

Teis/Villnöss - ACD Val Badia:  2 - 0

Formaziun dla Val Badia: 1.Rene Ferdigg, 2.Heinrich Conrater, 3.Florian Barbolini (dal 69^ Andrea Pedevilla), 4.Samuel Vittur, 5.Andrea Conrater, 6.Paolo Adami, 7.Alex Felder, 8.Gianluca Lorenzini, 9.Gabriel Prada (dal 73^ Davide Denicoló), 10.Matthias Stampfer (capitan), 11.Miguel Crazzolara (dal 85^ Simon Erlacher).

Alenadú: Maurizio Folchi.

Proscima partida: en domenia ai 25 de setember dales 15.30 sön la plaza "Pradel" da San Martin cuntra le Vandoies.