Domënia, 11. setëmber 2016

En bun punt por möie le tlassament

Cuntra la scuadra dl Kiens che é tomada jö dala pröma categoria mess la VB se acontenté cun en resultat de parité. Porte a ciasa cun en pü de fortüna. La formaziun pustra les à porvades dötes por davagné süa pröma partida. L' Kiens met man cun gran druch chierin le gol y fajôn le jüch. Tl pröm temp mess la scuadra de Folchi se defene dassen. Tl secundo vegnel soghè damí da pert ladina, mo nia tan da ti ester sura ciè ai pustri. Les plú gran ocajiuns dl Kiens é gnödes sön aziuns de fora dl jüch nia sciurades dal arbiter.

Bele al 6^ menüt mess paré Ferdigg te süa pröma partida te 2a. Categoria na trata bassa da pé de porta. Sön na passada de revers de un dl Kiens cuntra só portier al 19^ de jüch ne röia "Matti" de en nia sön le palé che le portier é cíamò de pé da trá demez. Do da 27^ menüc te na posiziun de fora dl jüch röia en atacant sú ala trata, le un ladin robat te ciantun. Al 36^ de jüch indô te na posiziun de fora dl jüch röia bel sú le diesc J.Wierer dan porta ladina y tira alta fora. En menüt dedô tira dan le limit le sis G.Wierer te porta, Ferdigg se scüra sön süa man derta y devieia te ciantun. Al 55^ menüt tira Prada te porta da avei davagné en palé sön en contrast. Le un Kammerer robat demez. Do da 63^ de jüch abina le capitan ladina na bela trata da dan aria, püch dan le pé bass tegn sö la trata le un dl Kiens. Al 81ejim do en fal dan aria dl sis dl Kiens tira "Olex" Stampfer na bela puniziun te porta sura le mür ite. Le jon verdaporta se destira i devieia le curan da na pert fora. Sön en contrast te aria ladina danter Barbolini y en atacant puster che toma protestei i Kieneri valgamia al 87^ menüt, mo por le arbiter ne él zuzedü nia y la partida se röia sön le 0 a 0. Resultat che acontentei deplú la VB cho le Kiens. En bun punt che möi söpert le tlassament.

AS Kiens - ACD Val Badia:  0 - 0

Formaziun dla Val Badia: 1.Rene Ferdigg, 2.Heinrich Conrater, 3.Florian Barbolini, 4.Samuel Vittur, 5.Andrea Conrater, 6.Paolo Adami, 7.Andrea Pedevilla (dal 55^ Davide Denicoló), 8.Alex Felder (dal 70^ Gianluca Lorenzini), 9.Gabriel Prada (dal 84^ Hannes Erlacher), 10.Matthias Stampfer (capitan), 11.Alex Stampfer.

Alenadú: Maurizio Folchi.

Proscima partida:  en domenia ai 18 de setember dales 15.30 sön la plaza da San Pire de Funes cuntra le Funes/Teis.