Domënia, 29. mà 2016

La VB pert la secunda partida de campionat, indô ti é bun le Mühlwald

La partida é stada sogada sot na gran plöia, te na gran scurité y inće cun val tonada

La partida é stada sogada al limit, bele dan partida al metü man da plovёi dёr, dёr dassёn. Al é gnü dёr scür y bele zirca ala mesora de jüch al messü gnì impié le implant de luminaziun. Deplú iadi al inće tonè. N te tёmp ti à bёgn fat passè en pü a düć la vёia da soghè. Ma bun che la plaza é sintetica y al à trat jö valgamia bun la gran cuantité d' ega. Dit dan fora él inće imposcibl da scrí sö la cronaca dla partida cun en tè tёmp. En resultat de parité foss sté iüst, mo cuntra i "mühlwolderi" ne ora en chёsc campionat nia ester.

Atira da mёt man tira lunch Matti Stampfer cuntra porta dl Mühlwald. Le portier puster para alt sön süa man dёrta. Chi de ćiasa é dёr agressifs y la VB à so bel da fá por i controlé. Sön na crossada de Felder arjöma dan porta Prada la deviaziun te porta, sön le curan röia dedô A.Conrater che tira alt sura porta fora. Zirca dô da vintecinch menüć röia na passada t' aria a en atacant che vёgn en pü abracé dal capitan Adami t' aria. Chёsc sa da tomé y le arbiter scüra atira en önescmetri. Tröpes les protestes ladines por chёscta decijiun. Le set A. Ausserhofer tira la gran puniziun, ne ti lascian degöna poscibilité de parada a Ferdigg.
Püć menüć dedo röia ala trata t' aria dl Mühlwald Alla, la bela trata te porta vёgn cun en gran intervёnt deviada sura stangia fora te ćiantun dal un de ćiasa. Sön la fin dl pröm tёmp mёss inće Ferdigg fá val parada.
Zirca al 60 menüt tira "Matti" da na pert ite te porta. Le verdaporta Knapp robat la trata da na pert fora. Sön chёscta röia Felder che splundra te porta por le 1 a 1. Te mesaciamp dla VB fej le set A.Ausserhofer en grou fal sön "Matti", na ghela foss plü cho iüsta, ma al è bel amoní y le arbiter lascia jí. Zirca al 75^ de jüch passa Felder cuntra aria dl Mühlwald al compagn che röia sú cuntra porta. Le arbiter F. Mölgg da Ahrntal scüra en fora dal jüch che né nia. Felder se lasciá sö por chёsta decijiun y vёgn amoní por le secundo iade. La VB resta en diesc, sön la valutaziun dles amoniziun pon bele capí tröp dl mandl fosch. Al zirca 92 menüt passa de revers H.Conrater cuntra aria dla VB. Le palé röia al chinesc Simonic che tira atira bel te porta alt sura le portier Ferdigg ite por le 2 a 1. Na dejatenziun paiada dёr ćera che fej perde la partida malamёnter ai "Campiuns dla Val Badia". Gran festa por le Mühlwald che röia al cuarto post cun chёsta devёnta. Na posiziun mai arjunta ćina en chёsc campionat 2015/16. La scuadra de Massa à soghè en bun secundo tёmp, magari esera podü dé val deplü. Mo ara é da capí, le pensîr é bele por la finâla dla "Copa Provinzia" da en jöbia ai 2 de jügn. Aodun buna fortüna, forza Acd VB.

SSV Mühlwald - ACD Val Badia:  2 - 1

Formaziun dla Val Badia: Rene Ferdigg, 2.Simon Erlacher (Giovanni Giaramita), 3.Andrea Conrater (Max Schrott), 4.Alex Stampfer (Florian Barbolini), 5.Julian Bernardi, 6.Paolo Adami (capitan), 7.Alex Felder, 8.Hannes Erlacher (Heinrich Conrater), 9.Altin Alla, 10.Matthias Stampfer, 11.Gabriel Prada (Andrea Pedevilla).

Alenadú: Luca Massa.

Gol por la Val Badia: 60^ Alex Felder.

Proscima partida: en jöbia ai 2 de jügn dales 16.00 sön la plaza da Vahrn por la finâla de "Copa Provinzia de 3a. categoria" cuntra le Laag/Laghetti di Egna.