Trofeo valades ladines 2014 |
|
|
|
Scritto da Ubi
|
11. Torneo dles valades ladines 2014 "Memorial Ulrich Irsara" Vëindres, 08.08.2014 - Ciamp dl sport La Ila (Badia)
L'ultimo fin dl' edema ele gnü soghè son le ciamp dl sport da La Ila la finale dl 11. Torneo dles valades ladines 2014 - Memorial "Ulrich Irsara". Da dui agn vëgnel alternè chësc memorial con chël intitolè a "Gualbert Messner". Ulrich y Gualbert à laorè tröc agn cun nösc jogn y ai à lascè en gran öt tla Uniun Sport Alta Badia. A se bat por le trofeo ele stè la squadra dl Fodom y la squadra dla Val Badia. La squadra de fodom à impormò ruvè le campionat dles valli agordine, olache le Fodom se à plazè al 3. post finale. La squadra dla Val Badia vëgn da düs edemes de preparaziun al campionat che scomëncia ai 31 de agost. I spetadus a podü odëi na bela partida sogada an bun ritmo y dër combatuda. Impormò do mes'ora ele tomè le prüm goal por la Val Badia y quaji ala fin dl 1. tëmp ti ele garatè le 2. goal ala squadra de ciasa. Tl secundo tëmp ti à dè i alendus l' oportunitè a düc i sogadus da se musurè y la Val Badia à ciamò fat 2 goi. Le resultat final de 4-0 por la Val Badia castiëia bëgn en pü massa la squadra dl fodom, che se es miritè en miù resultat. Le torneo è gnü organisè da Klaus Costner, la Cassa dl Sparagn à metü a disposiziun le trofeo. Ala premiaziun à ince tut pert Hildegard y Ingo, vëdua y müt de Ulrich Irsara. La Val Badia scomëncia inscio en ciclo nü con le dër pè. Do 2 agn ele indo gnü zruch le alenadù Luca Massa y süa man se lascia bele atira odëi. Dla squadra fej ince pert tröc sugadusc nüs che adüm a chi plö esperc di ultimi agn porvarëi da portè la squadra dla Val Badia a disputè en bun campionat che vëgn. Fora che la prüma squadra partecipëia la Val Badia ince ai campionac dla Freizeit, di Allievi e di Giovanissimi, tratan che l' Alta Badia sogarà con l' Under 13, Under 11 y Under 8.
A düc canc ti augurunse na bela sajun sportiva con tröpes sodisfaziuns.
Finale: | | ACD Val Badia - US Fodom: | 4 - 0
|
|
Ultimo aggiornamento ( giovedì 14 agosto 2014 )
|