Söl fustü dla storiaL'scumenciamënt dl jüch dl palon tal Val Badia y la fondaziun dl'US Alta BadiaDi prüms pisc a na cogura, plö che dles prümes partides, vëgnel baié ti agn 1969/70. Tla Val Badia manćiâl i ćiamp da sughé y chësc jüch stentâ purchël, inće sce al fô cunesciü denant, da se lascè jö. Purchël vëgnel imprüma fat plö che ater val'partides danter paisc y paisc, danter i furesć o danter maridá e nia maridá. Impurmò plö tert él gnü punsè de organisé n dër campionat dla Val Badia. La prüma scuadra di agni 50 Badia tl 1963
L'campionat dla Val BadiaIntratan l'isté dl 1971 mëtl man ufizialmënter l'prüm campionat dla Val Badia. Al vëgn sughé cun chi püć ćiamp che fô laóta a disposiziun, mo i ćiamp y les portes n'à nia ćiamò les dimenjiuns regolares. La ligrëza pur chësc sport nü se slergia fora dër snel, sides danter i sugadusc che danter la jënt dl paisc che roda incërch cun "süa" scuadra pur la tigni sö ti derby, na sort de partides dër sintides, ulá che an ruvâ datrai inće al'esageraziun. US La Ila 1975 L'campionat de valada và inant pur 14 istá y plö avisa dal 1971 al 1985. L'anima de chëstes partides y dl'organisaziun che rudâ incër ia é dagnëra stè Stachio Erlacher da Lungega. Cun süa ligrëza pur chësc sport y cun süa dediziun ál metü des fundamëntes dl campionat dla Val Badia. Vign'ann él val'ciamp y val'scuadra nüs, i sugadusc plö vedli ti lascia la lerch ai jogn y la cualité tecnica dl campionat va insciö tres sö pert. Les partides devënta plö cumbatüdes, al vëgn sughé tres damí y ingalin éle val'scuadra che se scri ite pro i campionać provinziai pur pudëi insciö se musurè cun les atres scuadres de Südtirol. Tl 1974/75 él l'Mareo che mët man; 4 agn plö tert rüvel laprò l'Alta Badia che ti sciampa dant de püć agn a chi da Rina; l'ultima scuadra che á partezipé é chëla da S. Martin che á metü man tl 1985/86. Dütes chëstes scuadres é na conseguënza dl campionat dla Val Badia. SV Badia 1974 L'idea y l'ambiziun de se musuré cun d'atres scuadres é sënz'ater da laldè, mo l'campionat dla Val Badia vëgn bel plan a trà la cürta. Val'scuadres che süga sides l'campionat de val che chël provinzial, sënt de avëi n'ativité massa pesocia, ćiudí che al vëgn sughé sënza lascé dô da forá ćina de novëmber. Diversces scuadres süga l'campionat cun tröpes reserves; val'scuadra desdij süa partezipaziun (Badia y Rina tl 1981). Dal mumënt che al manćia tröc di miûs sugadusc, devënta l'campionat de val, dô 10 campionać de ativité a n bun livel, ti ultimi cater agn, na sort de campionat de consolaziun pur scuadres y sugadusc che ne süga nia a livel provinzial.US Corvara 1972 Chësc é sciode, ćiudí che al fô n'iniziativa che ti jê plö a cör ala jënt che i campionać provinziai; chisc á sënz'ater n livel technich cotan plö alt, mo al manćia l'sentimënt y l'lian dl paisc cun süa scuadra.Pur la cronaca recurdunse chilò i resultać di campionać dla Val Badia, secundo la documentaziun che s'é gnüda metüda a disposiziun da Stachio Erlacher da Lungega. SCUADRA | 1971
| 1972 | 1973
| 1974
| 1975
| 1976
| 1977 | 1978
| 1979
| 1980
| 1981 | 1982
| 1983
| 1984
| LA ILA
| 1. | | p. | 4. | 5. | 3. | 5. | 3. | 3. | p. | 2. | p. | 4. | 5. | LONGEGA
| 2. | | p. | 6. | 7. | 2. | 8. | p. | | | p. | p. | | | LA VAL
| p. | | p. | 8. | 6. | 7. | 4. | p. | p. | 4. | 4. | 3. | 3. | 4. | AL PLAN
| p. | *1. | p. | 2. | 2. | 5. | 3. | p. | 2. | p. | 1. | p. | | 1. | RINA
| p. | | p. | 1. | 3. | 6. | 6. | 4. | p. | 3. | p. | | | | S. MARTIN
| p. | *1. | p. | 5. | 1. | 1. | 2. | 1. | 4. | 2. | 3. | 4. | | | BADIA
| p. | *1. | 1. | 3. | 4. | 4. | 1. | 2. | 1. | 1. | p. | | | | S. CASCIAN
| | | p. | | | | | | | | | | | | CORVARA
| | | p. | 7. | 7. | 8. | 7. | p. | p. | p. | p. | 2. | 1. | 2. | LONGIARÜ
| | | | | | | | | | p. | p. | p. | p. | 6. | ANTERMÖIA
| | | | | | | | | | | | 1. | 2. | 3. | PICOLIN
| | | | | | | | | | | | | | 7. | TINTAL
| | | | | | | | | | | | | p. | |
* Tl ann 1972 n'él nia plö ste fat les finales danter les 3 scuadres prümes clasificades (Badia, S.Martin, Al Plan) p. Partezipatiun sënza cunësce l'post te clasifica finala
L'ALBO D'ORBADIA
| 5 campionać (1972 - 1973 - 1977 - 1979 - 1980) | S. MARTIN
| 4 campionać (1972* - 1975 - 1976 - 1978)
| AL PLAN
| 3 campionać (1972* - 1981 - 1984)
| RINA
| 1 campionat (1974) | LA ILA
| 1 campionat (1971) | ANTERMÖIA
| 1 campionat (1982) | CORVARA
| 1 campionat (1983) | |