Home arrow Societá arrow Eventi arrow 09.05.2009: Iubileum por l'US Alta Badia
  • Deutsch
  • Italiano
Vëindres, 29. merz 2024
09.05.2009: Iubileum por l'US Alta Badia PDF Stampa E-mail
Scritto da Pablo   

Iubileum por l'US Alta Badia

En sabeda ai 9 de mà à la Uniun Sport Alta Badia festejé le iubileum de 30 agn, cun na festa metüda da jì te Ćiasa de Cultura a La Ila, pro chëra che an à inće tut l'ocajiun por onorè deplü porsones che s'à fat mirić te tröc agn de sorvisc a bëgn dla uniun.


Foto de grup en gaujiun dl iubileum, cun śogadus, dirigënć, alenadus y acompagnadus

Le presidënt Ubi Valentini à portè i salüć ala jënt rovada adalerch. Chësc denant co passè ala storia dla uniun, che é gnüda portada dant te na proieziun multimediala, olache an à podü odëi retrać inchersciors da n iade, y inće cotan de fotografies de scuadres che śoga al dedaincö. Inant éra jüda cun le salüt da  pert dles autoritês, cun parores da pert dl ombolt dl Comun de Badia Iaco Frenademetz y l'ombolt dl Comun da Corvara Franz Pedratscher. N momënt particolar é stè chël dles onoranzes, olache le comitê à orü recordè catordesc porsones, por sü tröc agn de sorvisc che ai à fat a bëgn dla uniun. La serada é jüda inant cun la premiaziun dl quiz sön l'ativité dla uniun y cun i rengraziamënć.
La festa s'à stlüt jö cun n pice renfrësc, pro chël che la jënt à inće podü vijité la esposiziun de fotografies che é gnüda arjignada tl salf dla entrada y che é stada da odëi por plü dis.
 
La scuadra de pröma categoria tl campionat 1981/82

Mëmbri da laôta y mëmbri da śëgn

L'Uniun Sport Alta Badia é gnüda metüda sö ai 5 de messè dl 1978 a Corvara. Al ê ot mëmbri fondadus: Leo Crepaz de Badia, Albert Comploj (+) da Calfosch, Hubert Dalponte da Corvara, Heinz Kostner da Corvara, Pepele Rinna da La Ila, Vijo Tavella de Badia, Ubi Valentini de Badia y Edi Zingerle (+) da Corvara. De chisc é Ubi Valentini dötaorela ćiamò laprò y é al momënt a će dla uniun, inćiaria che al à da 25 agn incà.
Incö é le comitê metü adöm - dlungia le presidënt - dai dui vize Klaus Kostner da Corvara y Nando Agreiter da La Ila, Renato Costamoling da La Ila, che fej secretêr y cassir, spo i aconsiadus Alessandro Giandonato de Badia, Oswald Stampfer da La Ila, Susi Canins de Badia, Gaby Marchi da Corvara, Oswald Granruaz da La Ila, Pepi Schrott da Calfosch, Damiano Dapunt de Badia, Pepi Crepaz da Corvara y Hansjörg Felder de Badia.


Sajun 2003/04: La scuadra davagna le campionat de secunda categoria deboriada cun le
Wiesen/Pfitsch, mo perd la partida de dezijiun por 3 a 1

30 de scuadres dl palê

Dales statistiches che nes é gnüdes metüdes a desposiziun dala uniun instëssa, pon odëi che te chisc 30 agn à l'US Alta Badia albü 6 scuadres che à śoghé te campionać desvalis: la 1a.scuadra, la scuadra dl tëmp lëde, les scuadres A-Jogn, B-Jogn, C-Jogn (U13) y D-Jogn (U10). Ma la pröma scuadra à tut pert a düć i 30 campionać, i jogn B à śoghé te 24 campionać, i jogn C te 23, i jogn A te 22, la scuadra dl tëmp lëde te 6 y i jogn D te un n campionat su. Chëstes sis scuadres à śoghé indöt 1890 partides: 861 é gnüdes davagnades, 320 parejades y 725 pordüdes. Sce an cumpëda adöm, spo à les 6 scuadres segné indöt 4076 goi y s'an à ciafè 3778, arjunjan indöt 2522 punć. La pröma scuadra â bele fat notizia püch dô la fondaziun. La scuadra é passada impröma dala terza ala secunda categoria y bele l'ann dô dala secunda ala pröma. 479 śugadus à sughé te chisc ultimi 30 agn.
Bëgn önesc iadi é scuadres descvalies inće rovades tles finales provinziales, arjunjan cotan de plazamënć da podium, dui iadi inće le pröm post, cun la scuadra U15, dl 2005 a Solaneres y dl 2006 a Raiscia.
 

La scuadra U15 é campiuns provinziai tla sajun 2005/06, do avëi davagné le finales a Raiscia,
cuntra le Burggrafenamt

Onoranzes

Catordesc porsones é gnüdes onorades por so impëgn tla US Alta Badia

En gaujiun dla festa di 30 agn dla US Alta Badia, él inće gnü partì fora deplü onoranzes, por chës porsones che à por tröc agn fat n gran sorvisc y de bëgn por la uniun sportiva. Chëstes les onoranzes surandades chësc dé:

Nando Agreiter:
onoranza por i 21 agn sciöche alenadù y i 30 agn d'ativité tla uniun.
Klaus Costner:  
onoranza por 12 agn sciöche alenadù y por 16 agn tl consëi.
Paolo Crepaz:
onoranza por 16 agn sciöche alenadù y por 6 agn tl consëi.
Ale Giandonato:
onoranza por 13 agn sciöche alenadù y 7 agn tl consëi.
Gualbert Messner:
onoranza por 11 agn sciöche alenadù y 6 agn tl consëi.
Oswald Stampfer:
onoranza por 16 agn sciöche acompagnadù y 7 agn tl consëi.
Renato Costamoling:
onoranza por 13 agn sciöche secretêr y cassir.
Elmar Castlunger:
onoranza por l'impëgn y la fedeltè desmostrada sciöche śogadù (21 agn)
y por 4 agn da alenadù.
Luca Lucchini:
onoranza por l'impëgn y la fedeltè desmostrada sciöche śogadù (18 agn)
y 6 agn tl consëi.
Thomas Dejaco:
onoranza por l'impëgn y la fedeltè desmostrada sciöche śogadù (11 agn)
y 6 agn tl consëi. 
Manfred Castlunger:
onoranza por l'impëgn y la fedeltè desmostrada sciöche śogadù (20 agn).  
Stefan Mersa:
onoranza por l'impëgn y la fedeltè desmostrada sciöche śogadù (21 agn).
Simon Dapoz:
onoranza por l'impëgn y la fedeltè desmostrada sciöche śogadù (20 agn).
Devis Vittur:
onoranza por l'impëgn y la fedeltè desmostrada sciöche śogadù (18 agn).


Ultimo aggiornamento ( sabato 22 agosto 2009 )
 
logo.jpg

Dati attuali

1. scuadra:
Prossima partita
06.04.2024 16:00
A.C.D. Val Badia
 - 
U.S. La Val
Partita precedente
23.03.2024 15:00
A.S.D. Predoi
0 : 2
A.C.D. Val Badia
VSS-U15:
Prossima partita
30.03.2024 10:30
SSV Taufers
 - 
US Alta Badia
Partita precedente
23.03.2024 14:30
ASV Milland weiss
_ : _
US Alta Badia
VSS-U13:
Prossima partita
05.04.2024 17:30
Auswahl Bruneck Pustertal
 - 
US Alta Badia
Partita precedente
28.03.2024 15:00
SPG Freienfeld/Wiesen/Gossensass
5 : 0
US Alta Badia
VSS-U11:
Prossima partita
06.04.2024 15:00
US Alta Badia
 - 
SPG Ridnauntal/Sterzing
Partita precedente
22.03.2024 18:00
SPG Vintl/Gitschberg/Jochtal
1 : 7
US Alta Badia
VSS-U10:
Prossima partita
08.04.2024 17:30
US Alta Badia
 - 
ASV Reischach
Partita precedente
27.03.2024 16:30
SSV Brixen
1 : 3
US Alta Badia
VSS-U9:
Prossima partita
05.04.2024 18:30
US Alta Badia
 - 
ASV Feldthurns blau
Partita precedente
28.03.2024 14:00
US Alta Badia
_ : _
Herons Natz-Schabs grün

Chi è online


 

Copyright © 2024 US ALTA BADIA       Partita IVA: 01469470213