Fins y ideai dl'US Alta Badia

Nosc prüm fin é sënz'ater chël de ti dè ai jogn interesciá la poscibilité de pratiché chësc sport che ti stà tan a cör. Nosc ćiarun purchël de i purtè purmez a chësc jüch y tulun ite intan de sò tëmp lëde, mo sënza chiri interferënzes cun les atres uniuns che se dedichëia al tëmp lëde. Nos urun ti lascè ai mituns y a sües families la liberté de lité chësta ativité.

Nosc fin é chël de organisé tan bun che ala và chësta ativité, sides pur ti fà n survisc ai jogn che pur cumbate na mentalité plötosc stlüta che an ciafa ćiamò pro la gran jënt.

N ater ideal é chël de superé les divijiuns danter i paisc y de stlü ite de plö paisc pur che ai sozialisëies y se desmënties les rivalitês des paisc.

Al é inće nosta intenziun, organisé chësc pur nosc jogn y propi purchël ùnse te chisc 30 agn de ativité ma albü sugadusc ladins te nostes scuadres, inće sce chësc é datrai n handicap tecnich.

Te chisc ultimi agn ti ùnse dè tröpa importanza ai jogn y sun ruvá tan inant che ún pudü scri ite trëi scuadres jones ai campionać provinziai. L'fin de chësta ativité n'é nia tan chël de avëi na seleziun pur avëi n dé na bona prüma scuadra mo l'attivité sportiva instëssa.