N pulmin nüTrëi sozietês sportives s'à metü a önaTla zona sportiva da La Ila él gnü surandè en sabeda ai 24 de jenà le pulmin nü da pert dla Fondaziun Cassa dl Sparagn a trëi sozietês sportives: al'Uniun Sport Alta Badia por le jüch dl palê, al'Alta Badia Nordic Ski por le paslunch y al'Ice Club Alta Badia por le jadiné artistich.
Chëstes sozietês à tut la dezijiun da cumprè n pulmin da podëi adorè dötes deboriada por les ativitês sportives desvalies; insciö vëgnel le pulmin tres adorè y ne resta mai chit tratan döt l'ann. Le pulmin é gnü finanzié dala Fondaziun Cassa dl Sparagn, dal comunde Badia y chël da Corvara, döt sot ala coordinaziun dl'Assoziaziun Südtiroler Sporthilfe. "Les trëi sozietês s'à metü a öna da cumpré n pulmin su y chësc dess ester da ejëmpl ince por d'atres uniuns sciöche an po sparagné cotan de scioldi", spliga Ubi Valentini, presidënt dl'Uniun Sport Alta Badia. (Da man ciampa) Nando Agreiter, Ubi Valentini, Carlo Mellauner, Heini Holzer y Carlo Huber
A chësc avenimënt àl tut pert Heini Huber en rapresentanza dla Fondaziun Cassa dl Sparagn, Nando Agreiter por les Casses dl Sparagn dl'Alta Badia, che é ince vize presidënt dl'Uniun Sport Alta Badia, mëmber dl diretif dl'Alta Badia Nordic Ski y dl'Ice Club Alta Badia, Ubi Valentini, presidënt dl'Uniun Sport Alta Badia y mëmber dl diretif dl'Ice Club Alta Badia, Carlo Huber dl'Ice Club Alta Badia, Renato Costamoling, secretêr dl'Uniun Sport Alta Badia y Carlo Mellauner, presidënt dl'Alta Badia Nordic Ski.
|