Domënia, 24. mà 2026

Stlüt jó bun la sajun cun l' ultima partida te ciasa davagnada. Segn an arjunt le sesto post te tlassamnet.

Feter döta la partida é stada sogada sot n gran, gran cialt. Al é ince gnú fat te n trami i tempc les palses por podei bere. Tl pröm temp sá en pú stenté la Val Badia cuntra i pen ultims te tlassament. Jon ince de n gol sot. Mó la reaziun é stada buna suradöt tl secundo temp, rodan le resultat sön la pert dla Val Badia. Cun aziuns corales d' atach che á porté ai goi y metú i ghesc en dificulté. Ala fin él sté na bela deventa, che à porté só al sesto post te tlassament.

Sabda, 16. mà 2026

Der na buna prestaziun cuntra i secundi dl Mühlwald, mâ na gran destraziun à tut demez n punt che an se és merité.

La Val Badia à fat der na buna partida sön la plaza da Mühlwald cuntra i secundi te tlassament. Dan tröp publich (segra dl paîsc) tun domisdé freit é gnú soghè. I "Mühlwolderi" mess davagné por resté secundi y jí ales partides de "spareggio" por la secunda categoria. La formaziun ladina ti à tigní bun pormez por döta la partida, lascian pró der püces ocajiuns da fá gol. Má der scode de chel moment de dejatenziun che à pormetú al Mühlwald da signè.

Sabda, 09. mà 2026

Sciode, sciode , sciode, cun tan de ocajiuns messun davagné. La porta pustra é sciöche strinada.

N bel domisdé cialt acompagné da n pice vent à tut ite la partida sön le ciamp da Percha, che né nia tles mius condiziuns.

Sabda, 02. mà 2026

La Val Badia é te n bun moment, ara davagna te ciasa y röia só al setim post te tlassament.

Al é sté na partida sogada sot n gran cialt, al é ince gnú fat les palses por podei bere. La jona arbitra à arbitré bun. Ti pröms carantecinch menüc à la Val Badia en pú stenté sbalian tröpes passades y lascian deplú ocajiuns ai ghesc. Tro damí él gnú le jüch tl secundo temp cun ocajiuns y le gol dla deventa. I alenadus à indô messú chambié de tröp la formaziun por les tröpes desvalies assenzes. Dô avei subí le gol à la formaziun de Castlunger y Costabiei albú na buna reaziun rodan le resultat da süa pert. Cun chisc trei punc röia só la VB al setim post te tlassament, jon dant propi al Latzfons "B".